ភ្នំពេញ ៖ កិច្ចការពារកម្មសិទ្ធិបញ្ញា ជាមូលដ្ឋានគ្រឹះមួយដ៏សំខាន់ ក្នុងបរិបទសាកលភាវូបនីយកម្មសេដ្ឋកិច្ច ដែលផ្តល់ភាពកក់ក្តៅ និងទំនុក យ៉ាងរឹងមាំ ដល់អ្នកវិនិយោគសម្រាប់ធ្វើពាណិជ្ជកម្ម និងផ្តល់លើកទឹកចិត្តដល់វិស័យផ្សេងៗ ដើម្បីបង្កើតតក្កកម្ម និងផលិតកម្មឧស្សា- ហកម្មថ្មីៗ សម្រាប់ប្រកួតប្រជែងលើទីផ្សារក្នុងប្រទេស តំបន់ និងអន្តរជាតិ។

​ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងក្នុងសិក្ខាសាលាថ្នាក់ ជាតិ ស្តីពីការកសាងសមត្ថភាពលើការប្រើប្រាស់សេវាអនឡាញ និងពិធីប្រកាសឱ្យប្រើទិន្នន័យប្រកាសនីយបត្រតក្កកម្ម និងគំនូរ ឧស្សាហកម្ម លើគេហទំព័រនាយកដ្ឋានកម្មសិទ្ធិឧស្សាហកម្ម នៅថ្ងៃទី ២៩ ខែ មេសា ឆ្នាំ ២០២៤ នេះថា ក្នុងបរិបទសាកលភាវូប- នីយកម្មសេដ្ឋកិច្ច និងការចូលរួមក្នុងសហគមន៍សេដ្ឋកិច្ចអាស៊ាននាបច្ចុប្បន្ននេះ, រាជរដ្ឋាភិបាលកម្ពុជា ក្រោមការដឹកនាំរបស់សម្តេច អធិបតី ហ៊ុន ម៉ាណែត នាយកដ្ឋមន្ត្រី បានខិតខំប្រឹងប្រែងអភិវឌ្ឍលើគ្រប់វិស័យ ដែលក្នុងនោះកម្មសិទិ្ធបញ្ញាជាផ្នែកមួយដ៏ មានសារៈ សំខាន់សម្រាប់ជំរុញការធ្វើពាណិជ្ជកម្ម ការជំរុញឲ្យមានការច្នៃប្រឌិត និងបង្កើតផលិតកម្មឧស្សាហកម្មថ្មីៗ ជំរុញការប្រកួតប្រជែង ទីផ្សារក្នុងប្រទេស តំបន់ និងអន្តរជាតិ ការធ្វើឱ្យកាន់តែរីកចម្រើន និងធានាឲ្យបាននូវកិច្ចការពារកម្មសិទ្ធិបញ្ញា នៅព្រះរាជាណាចក្រ កម្ពុជាស្របតាមច្បាប់ជាតិ និងបទដ្ឋានអន្តរជាតិ។ 

ឯកឧត្តម បន្តថា បានសង្កត់ធ្ងន់អំពីសារៈសំខាន់នៃការការពារកម្មសិទ្ធិបញ្ញា ដែលជាមូលដ្ឋានគ្រឹះមួយដ៏សំខាន់ ក្នុងបរិបទ សាកលភាវូបនីយកម្មសេដ្ឋកិច្ច ដែលផ្តល់ភាពកក់ក្តៅ និងទំនុកយ៉ាងរឹងមាំដល់អ្នកវិនិយោគសម្រាប់ធ្វើពាណិជ្ជកម្ម ជាពិសេសលើក ទឹកចិត្តដល់សហគ្រាសធុនមីក្រូតូច និងមធ្យម អ្នកសិក្សាស្រាវជ្រាវ និងតក្កករ ឲ្យប្រើប្រាស់បញ្ញា និងទេពកោសល្យផ្ទាល់ខ្លួន ដើម្បី បង្កើតតក្កកម្ម និងផលិតកម្មឧស្សាហកម្មថ្មីៗ ក្នុងការប្រកួតប្រជែង និងជៀសវាងការលួចក្លែងបន្លំផលិតផល ដែលបានចុះបញ្ជីការពារ កម្មសិទិ្ធបញ្ញារួចរាល់។ ការស្វែងយល់អំពីអត្ថប្រយោជន៍ នៃកិច្ចការពារកម្មសិទ្ធិបញ្ញានៅកម្ពុជា នឹងផ្តល់ផលប្រយោជន៍ ព្រមទាំង ចំណេះដឹងគ្មាន ដែនកំណត់ដល់តក្កករ សិប្បករ អ្នកវិនិយោ ដែលកំពុងប្រកបរបរអាជីវកម្មរបស់ខ្លួន បានយល់ពីសារ:សំខាន់នៃកិច្ច ការពារកម្មសិទិ្ធ បញ្ញារបស់ខ្លួន។

ជុំវិញកម្មសិទ្ធិបញ្ញានេះដែរ, លោក Juneho JANG នាយកគ្រប់គ្រងថ្នាក់តំបន់ជាន់ខ្ពស់ ផ្នែកដំណោះស្រាយអាជីវកម្ម, ការិយាល័យ IP នឹងជាអង្គការកម្មសិទ្ធិបញ្ញា WIPO ប្រទេសសឹង្ហបុរី លើកឡើងថា តាមរយៈការចុះបញ្ជីកិច្ចការពារកម្មសិទ្ធិបញ្ញា, WIPO បានគាំទ្រដល់ប្រទេសអាស៊ានទាំងអស់ ក្នុងការបង្កើតនូវសុខុដុមណីយកម្ម និងការបង្កើតប្រព័ន្ធ IP ពង្រឹងឧស្សាហកម្ម សម្រាប់ការពារទូទំាងតំបន់ទាំងមូល, ជាក់ស្តែងជុំវិញការចុះបញ្ជីនេះ ប្រទេសនៅក្នុងអាស៊ានទាំងអស់ មានចំនួនប្រមាណ ១ ៤០០ ក្រុមហ៊ុន ក្នុងនោះកម្ពុជាក៏បានជំរុញវិស័យលេចធ្លោជាងគេផងដែរ នៅក្នុងជាង ២០ឆ្នាំកន្លងមកនេះ៕

អត្ថបទ៖ សុន រ៉ាឌី