ប្រជាជនហ្កាហ្សាមួយចំនួនដែលបានបាត់បង់អ្វីៗគ្រប់យ៉ាង កំពុងព្យាយាមរៃអង្គាសប្រាក់រាប់ម៉ឺនដុល្លារដើម្បីបង់ឲ្យក្រុមហ៊ុនដែលមានទំនាក់ទំនងជាមួយរដ្ឋសន្តិសុខអេហ្ស៊ីប ដើម្បីជួយពួកគេ ជម្លៀសគ្រួសាររបស់ពួកគេ ឆ្លងកាត់ព្រំដែនពីទីក្រុងរ៉ាហ្វ (Rafah)។

ម្នាក់ក្នុងចំណោមពួកគេ គឺ Ahmed Jamal មានអាយុ ៣៥ឆ្នាំ ជាគ្រូបង្រៀនភាសាអង់គ្លេស ដែលកូន តូចៗពីរនាក់ ក្រោកពីដំណេក ហើយយំភាគច្រើននៅពេលយប់ បានលាក់ខ្លួន ហើយមិនចេញមកក្រៅទេ ព្រោះពួកគេ ខ្លាចស្លាប់។

លោក Jamal បាននិយាយនៅក្នុងបទសម្ភាសន៍តាមទូរស័ព្ទ កាលពីថ្ងៃសៅរ៍ថា៖«ស្ថានភាពរបស់យើងកាន់តែអាក្រក់ ជារៀងរាល់ថ្ងៃ»។ «ខ្ញុំមិនអាចបង្ហាញប្រាប់អ្នកពីរបៀបដែលយើងកំពុងរស់នៅនោះទេ គឺ ស្ទើរតែគ្មានអាហារ គ្មានទឹក គ្មានហ្គាសគ្រប់គ្រាន់ គ្មានថាមពល។ មនុស្សដូចខ្ញុំមានអារម្មណ៍ថា គ្មាននៅសល់អ្វីត្រូវធ្វើទេ ក្រៅពីចាកចេញពីតបន់ហ្កាហ្សានោះទេ»។

លោក Jamal និងប្អូនស្រីរបស់ខ្លួន ឈ្មោះ Amal Nassar ដែលបញ្ហាប្រឈមមានផ្ទៃពោះនៅតំបន់ហ្កាហ្សាក្នុងអំឡុងសង្គ្រាម សង្ឃឹមថា នៅពេលដែលពួកគេ មានមូលនិធិគ្រប់គ្រាន់ មានសេវាប្រឹក្សា និងទេសចរណ៍ Hala ដែលជាទីភ្នាក់ងារទេសចរណ៍ នៅទីក្រុងគែរ មានទំនាក់ទំនងជាមួយទីភ្នាក់ងារយោធា និងទីភ្នាក់ងារចារកម្មរបស់ប្រទេសអេហ្ស៊ីប នឹងជួយគ្រួសាររបស់ពួកគេ ឆ្លងព្រំដែន។

ស្ថានការណ៍នេះ កាន់តែស្រួចស្រាល់ នៅពេលដែលការភ័យខ្លាច កាន់តែកើនឡើង អ៊ីស្រាអែលអាចនឹងវាយលុកទីក្រុងរ៉ាហ្វា ក្នុងពេលឆាប់ៗនេះ ដែលជាផ្នែកនៃសង្រ្គាមរបស់ខ្លួន ក្នុងគោលបំណងកម្ចាត់ក្រុមហាម៉ាស និងធានាចំណាប់ថ្នូរ ដែលចាប់តាំងតែពីការវាយប្រហារកាលពីថ្ងៃទី៧ ខែតុលា។ ប្រសិនបើការឈ្លានពាន បន្តទៅមុខ វាមិនទាន់ច្បាស់ថា ការឆ្លងកាត់ព្រំដែនរ៉ាហ្វា នឹងរងផលប៉ះពាល់យ៉ាងណា នោះទេ។