ក្នុងពិធីសម្ពោធឆ្លងដាក់ឲ្យប្រើប្រាស់ជាផ្លូវការនៅព្រះវិហារនិង សមិទ្ធផលនានា នៅ​វត្តវេឡុវនារាម( ព្រៃឫស្សី ) នៅសង្កាត់បឹងធំ ខណ្ឌកំបូល រាជធានីភ្នំពេញ ឯកឧត្តម នាយ​ឧត្តមសេនីយ៍ ឥត សារ៉ាត់ អគ្គមេបញ្ជាការង នាយសេនាធិការចម្រុះ នៃកងយោធពលខេមរភូមិន្ទ បាន​មានប្រសាសន៍ថា មានមេដឹកនាំល្អ ប្រទេសមានសុខសន្តិភាព និងមានការរី​កចម្រើន​ទាំង​ផ្នែក​អាណាចក្រ និងពុទ្ធចក្រ។

ឯកឧត្តម បានថ្លើមអំណរគុណយ៉ាងជ្រាលជ្រៅចំពោះថ្នាក់ដឹកនាំគ្រប់លំដាប់ថ្នាក់ ក្នុង​អគ្គ​បញ្ជា​ការដ្ឋាន មន្ត្រីរាជការ អាជ្ញាធរដែនដី រួមជាមួយពុទ្ធបរិស័ទ ប្រជាពលរដ្ឋ និង​សប្បុរស​ជន​នានា គ្រ​ប់​ទិសទី ដែលបានជួយកសាង សមិទ្ធផលនានៅក្នុងវនៅវត្តវេឡុវនារាម( ព្រៃឫស្សី )នេះ មាន​កុដិ ព្រះវិហារ មានសាលាធម្មសភា និងមានសមិទ្ធិផលជាច្រើនទៀត ទុកសម្រាប់ពុទ្ធសាសនា ។ 

ឯកឧត្តម បានលើកឡើងថា នៅបរិយាកាសដ៏សែនសប្បាយរីករាយនេះអាចប្រព្រឹត្តទៅ​បាន​ក៏ដោយ​សារ​កិច្ចខិតខំប្រឹងប្រែងលះបង់ទាំងកម្លាំងកាយចិត្ត របស់សម្ដេចតេជោ ជាអតីត​មេដឹក​នាំ​បាន​ប្រែក្លាយជាប្រទេសមួយនេះ មានសុខសន្តិភាព និងការ​អភិវឌ្ឍន៍​ទាំង​នេះ​នយោបាយ​ឈ្នះ​ឈ្នះ​របស់សម្ដេចតេជោ ។

 ឯកឧត្តម នាយឧត្ដមសេនីយ៍ បានកោតសរសើរចំពោះពុទ្ធបរិស័ទគណៈកម្មការអាចារ្យវត្ត និង​ក្រុម​ការងារចុះមូលដ្ឋានខណ្ឌសង្កាត់ដែលបានរួមសាមគ្គីគ្នាយ៉ាងល្អរៀបចំ​ពិធី​សំពូន​ឆ្លង​ដា​ក់​ឲ្យ​ប្រើ​ប្រាស់​នូវព្រះវិហារនិងសមិទ្ធផលនានាក្នុងវត្តនេះឡើងប្រកបដោយ​បរិយាកាស​សប្បាយ​រីក​រាយ​ដើម្បី​រួមគ្នាលើកស្ទួយផ្នែកពុទ្ធចក្ររបស់ខ្មែរយើងឲ្យកាន់តែរីកចម្រើន។

 បន្ទាប់មក ឯកឧត្តម ឥត សារ៉ាត់ និងលោកជំទាវ ព្រះសង្ឃ ពុទ្ធបរិស័ទ រួមជាមួយនឹង​សប្បុរស​ជន​នានា បានចូលរួមកសាង វត្តវេឡុវនារាម( ព្រៃឫស្សី) បានកាត់ខ្សែបូរ ដាក់​សម្ពោធ​ឲ្យ​ប្រើ​ប្រាស់​នៅព្រះវិហារ រួមនិងសមិទ្ធផលនានាក្នុងវត្ត ព្រមទាំងប្រគេនបច្ច័យកសាងវត្តបង្ហើយ ចំនួន ២ម៉ឺនដុល្លារ និងធ្វើពិធីរាំបាទព្រះសង្ឃចំនួន ១០០ អង្គ ផងដែរ។អត្ថបទ ៖ សូ ប្រុស