ប្រទេសថៃ កំពុងបន្តរងនូវរលកកម្តៅដ៏ធ្ងន់ធ្ងរ ជាមួយនឹងសីតុណ្ហភាពកើនឡើងដល់កម្រិតខ្ពស់ ក្នុងតំបន់មួយចំនួន ហើយអាជ្ញាធរ បានព្រមានពីអាកាសធាតុកាន់តែអាក្រក់ នៅប៉ុន្មានថ្ងៃខាងមុខនេះ។

ស្រុកជាង៣០នៅទូទាំងខេត្តចំនួន ៧៧របស់ប្រទេសថៃ បានឃើញសីតុណ្ហភាពក្នុងខែមេសា ជាទូទៅជាខែក្តៅបំផុតនៃឆ្នាំ ជាមួយនឹងការកើនឡើងខ្ពស់ថ្មីដែលលើសពីកំណត់ត្រាក្នុងឆ្នាំ ១៩៥៨ នេះបើយោងតាមទិន្នន័យពីនាយកដ្ឋានឧតុនិយមថៃ។

យោងតាមទីភ្នាក់ងារនេះ បានឲ្យដឹងថា សីតុណ្ហភាព បានឡើងដល់ ៤០អង្សារសេ នៅក្នុងខេត្តចំនួន ២៦ ក្នុងខែមេសា។

ខេត្ត Lampang ភាគខាងជើង ត្រូវបានគេមើលឃើញថា មានសីតុណ្ហភាពខ្ពស់បំផុតរហូតមកដល់ពេលនេះ ក្នុងឆ្នាំ ២០២៤ នៅ ៤៤,២ អង្សាសេ ដែលសីតុណ្ហភាពខ្ពស់បំផុតមិនធ្លាប់មាន នៅក្នុងប្រទេសថៃ គឺ៤៤,៦អង្សាសេ ដែលត្រូវបានគេឃើញចុងក្រោយ ក្នុងឆ្នាំ ២០១៦ និង ២០២៣។

ការប្រើប្រាស់ថាមពលរបស់ប្រទេសថៃ បានកើនឡើងដល់កំណត់ត្រាមួយទៀតគឺ ៣៦.៦៩៩ មេហ្កាវ៉ាត់ នៅថ្ងៃទី ២៩ ខែមេសា ចំពេលមានសីតុណ្ហភាពកើនឡើង នេះបើយោងតាមទិន្នន័យនៅលើគេហទំព័ររបស់និយតករថាមពលរដ្ឋ។ នោះជាលើកទី៣ដែលតម្រូវការបានឡើងដល់កម្រិតកំពូលថ្មី ក្នុងរយៈពេលប្រហែលមួយសប្តាហ៍។

ការិយាល័យអាកាសធាតុ បានណែនាំប្រជាជនឲ្យជៀសវាងសកម្មភាពនៅខាងក្រៅសម្រាប់រយៈពេលដ៏យូរ ជាមួយនឹងសីតុណ្ហភាពអតិបរមា នៅក្នុងតំបន់ភាគច្រើនដែលរំពឹងថា នឹងឡើងលើស ៤០អង្សាសេ នៅថ្ងៃទី៣០ ខែមេសានេះ។