ប្រធានាធិបតីរុស្ស៊ីលោក វ្ល៉ាឌីមៀ ពូទីន កំពុងពិចារណាការដំឡើងពន្ធដ៏សំខាន់ជាលើកដំបូងរបស់ប្រទេសនេះ ក្នុងរយៈពេលជាងដប់ឆ្នាំ ជាសញ្ញានៃការកើនឡើងដែលសង្រ្គាមនៅអ៊ុយក្រែន បានកើតមានលើសេដ្ឋកិច្ច និងហិរញ្ញវត្ថុរបស់រដ្ឋាភិបាល។

សារព័ត៌មាន Bloomberg និង important Stories ដែលជាបណ្តាញសារព័ត៌មានឯករាជ្យរបស់រុស្ស៊ី បានរាយការណ៍ថា វិមានក្រឹមឡាំង កំពុងងាកទៅរកការដំឡើងពន្ធលើប្រាក់ចំណេញសាជីវកម្ម និងបុគ្គលដែលមានប្រាក់ចំណូលខ្ពស់ ដែលនឹងធ្វើឲ្យរដ្ឋាភិបាលរុស្ស៊ីមានរាប់សិបពាន់លានដុល្លារ ទោះបីជាការប្រកាសចុងក្រោយមិនត្រូវបានរំពឹងទុក រហូតដល់រដូវក្តៅក៏ដោយ។

លោក ពូទីន បានបង្ហាញគំនិតនេះម្តងហើយម្តងទៀតជាសាធារណៈ ក្នុងរយៈពេលប៉ុន្មានខែចុងក្រោយនេះ ខណៈដែលរដ្ឋាភិបាលត្រៀមខ្លួនសម្រាប់ឱនភាពដែលរំពឹងទុកចំនួន ១,៦ ពាន់ពាន់លានរូប្លិ៍ (១៧ពាន់លានដុល្លារ)។

ការចំណាយលើវិស័យការពារជាតិរបស់រុស្សី បានកើនឡើងបីដង ចាប់តាំងពីសង្រ្គាមនៅអ៊ុយក្រែន បានចាប់ផ្តើម ឈានដល់ ៨ភាគរយនៃផលិតផលក្នុងស្រុកសរុប ដែលនាំឲ្យវិមានក្រឹមឡាំងស្វែងរកមធ្យោបាយ ដើម្បីទាញយកមូលនិធិបន្ថែមនៅគ្រប់ទីកន្លែងដែលវាអាចធ្វើបាន។ ចាប់តាំងពីឆ្នាំ ២០២២ ប្រទេសរុស្ស៊ី បានធ្វើកំណែទម្រង់ពន្ធលើប្រេងតាមរបៀបមួយ ដែលបានបន្ថែមប្រាក់ចំណូលបន្ថែមរាប់ពាន់លាន បានដាក់ពន្ធលើការចាកចេញយ៉ាងខ្លាំងលើក្រុមហ៊ុនលោកខាងលិច ដែលសង្ឃឹមថា នឹងចាកចេញពីប្រទេសរុស្ស៊ី និងអនុវត្តពន្ធលើប្រាក់ចំណេញ។ អតីតមន្ត្រីនៅធនាគារកណ្តាលរុស្ស៊ី បានប្រាប់សារព័ត៌មាន New York Times ថា៖«ពួកគេត្រូវធ្វើអ្វីដែលហៅថា ការកៀរគរប្រាក់ចំណូល» «ហើយការបង្កើនការយកពន្ធ គឺជាផ្នែកមួយនៃការកៀរគរនេះ»។