រដ្ឋមន្ត្រីការបរទេសអង់គ្លេស លោក ដេវីត កាមេរូន (David Cameron) បានជំរុញឲ្យក្រុមហាម៉ាសទទួលយកកិច្ចព្រមព្រៀងបទឈប់បាញ់ «ដ៏សប្បុរស» ជាមួយអ៊ីស្រាអែល ដែលនឹងអនុញ្ញាតឲ្យមានការដោះលែងអ្នកទោសប៉ាឡេស្ទីន «រាប់ពាន់នាក់»។

លោក កាមេរូន បានប្រាប់កិច្ចប្រជុំវេទិកាសេដ្ឋកិច្ចពិភពលោកនៅទីក្រុងរីយ៉ាដថា ក្រុមហាម៉ាស ត្រូវបាន    ផ្តល់ឲ្យនូវ«ការផ្តល់ជូនដ៏សប្បុរសបំផុតនៃបទឈប់បាញ់មួយមានរយៈពេល ៤០ថ្ងៃ ការដោះលែងអ្នកទោសប៉ាឡេស្ទីនរាប់ពាន់នាក់ ជាថ្នូរនឹងការដោះលែងចំណាប់ថ្នូរងទាំងនោះ»។

លោកបាននិយាយថា៖«ខ្ញុំសង្ឃឹមថា ក្រុមហាម៉ាសនឹងទទួលយកកិច្ចព្រមព្រៀងនេះ ហើយនិយាយដោយត្រង់ទៅសម្ពាធទាំងអស់នៅក្នុងពិភពលោក និងគ្រប់មជ្ឈដ្ឋាននៃពិភពលោក គួរតែស្ថិតនៅលើពួកគេនៅថ្ងៃនេះ ដោយនិយាយថា ចូរទទួលយកកិច្ចព្រមព្រៀងនោះ ហើយបានបន្ថែមថា សំណើនេះ នឹងនាំឲ្យមាន «ការបញ្ឈប់»នៅក្នុងការប្រយុទ្ធគ្នាដែលយើងទាំងអស់គ្នាបានឃើញនោះ ពិតជាអាក្រក់ណាស់»។

លោក អង់តូនី ប្ល៊ីនខិន (Antony Blinken) រដ្ឋមន្ត្រីការបរទេសសហរដ្ឋអាមេរិក បានពណ៌នាកិច្ចព្រមព្រៀងនេះថា ជា«សប្បុរសដ៏ពិសេស»។

លោក ប្ល៊ីនខិន ដែលកាលពីថ្ងៃចន្ទ បានចាប់ផ្តើមកិច្ចសហប្រតិបត្តិការការទូតមួយសប្តាហ៍ បានជំរុញឲ្យ ក្រុមភេរវករដែលចាប់ចំណាប់ថ្នូរអ៊ីស្រាអែលប្រហែល ១៣៣នាក់ នៅហ្គាហ្សា ទទួលយកកិច្ចព្រមព្រៀងនេះ។