ឯកឧត្តមបណ្ឌិត អ៊ុម រម្យណី រដ្ឋលេខាធិការនៃក្រសួងអប់រំ យុវជន និងកីឡា ត្រូវ​បាន​រដ្ឋាភិបាល​ជប៉ុន​ផ្ដល់​គ្រឿងឥស្សរិយយស សម្រាប់និទាឃរដូវឆ្នាំ២០២៤ ក្នុងនាមជាបញ្ញវន្តឆ្នើម​ដែល​រដ្ឋាភិបាល​ជប៉ុនទទួលស្គាល់នូវស្នាដៃ និងការចូលរួមចំណែកនៅក្នុងកិច្ចការសង្គម។ នេះ​បើ​យោង​តាម​ការជូនដំណឹងរបស់ស្ថានទូតជប៉ុនប្រចាំនៅកម្ពុជា នាថ្ងៃទី ៣០ ខែមេសា ឆ្នាំ២០២៤។

ឯកឧត្តមបណ្ឌិត អ៊ុម រម្យណី ជារដ្ឋលេខាធិការនៃក្រសួងអប់រំ យុវជន និងកីឡា និងជា​អតីត​នាយ​ក​វិទ្យាស្ថានបច្ចេកវិទ្យាកម្ពុជា ដែលបច្ចុប្បន្នជានាយកកិត្តិយស នឹងត្រូវទទួល​គ្រឿង​ឥស្សរិយ​យស The Order of the Rising Sun, Gold Rays with Neck Ribbon ជាការ​ទទួល​ស្គាល់​នូវ​ការ​រួម​ចំណែករបស់ឯកឧត្តម ក្នុងការលើកកម្ពស់ការផ្លាស់ប្តូរការសិក្សា និងការយល់​ដឹងពី​គ្នាទៅ​វិញ​ទៅម​ករវាងប្រទេសជប៉ុន និងព្រះរាជាណាចក្រកម្ពុជា។ ពិធីប្រគល់គ្រឿងឥស្សរិយយស នឹង​រៀប​ចំ​ឡើងនាពេលខាងមុខ៕ ដោយ៖ ចេន សុភានាថ