សហរដ្ឋអាមេរិក និងអារ៉ាប៊ីសាអ៊ូឌីត បានព្រាងនូវកិច្ចព្រមព្រៀងមួយស្តីពីសន្តិសុខ និងការចែករំលែក បច្ចេកវិទ្យា ដែលមានបំណងផ្សារភ្ជាប់ទៅនឹងការតាំងទីលំ នៅមជ្ឈិមបូព៌ាដ៏ទូលំទូលាយ ដែលពាក់ព័ន្ធនឹងអ៊ីស្រាអែល និងប៉ាឡេស្ទីន។

ទោះយ៉ាងណាក៏ដោយ ក្នុងករណីគ្មានបទឈប់បាញ់នៅតំបន់ហ្កាហ្សា និងប្រឈមមុខនឹងការតស៊ូយ៉ាងខ្លាំងក្លាពីរដ្ឋាភិបាលអ៊ីស្រាអែលរបស់លោក បេនចាមីន ណេតាន់យ៉ាហ៊ូ (Benjamin Netanyahu) ចំពោះការបង្កើតរដ្ឋប៉ាឡេស្ទីន ហើយការប្តេជ្ញាចិត្តជាក់ស្តែងរបស់ខ្លួន ក្នុងការបើកការវាយលុកលើទីក្រុងរ៉ាហ្វា ( Rafah) នោះ អារ៉ាប៊ីសាអ៊ូឌីត កំពុងជំរុញឲ្យមានផែនការតិចតួចបន្ថែមទៀតដែលមិនរាប់បញ្ចូលជនជាតិអ៊ីស្រាអែល។

នៅក្រោមជម្រើសនោះ សហរដ្ឋអាមេរិក និងអារ៉ាប៊ីសាអ៊ូឌីត នឹងចុះហត្ថលេខាលើកិច្ចព្រមព្រៀងលើកតិកាសញ្ញាការពារទ្វេភាគី ជំនួយរបស់សហរដ្ឋអាមេរិក ក្នុងការកសាងឧស្សាហកម្មថាមពលនុយក្លេអ៊ែរស៊ីវិលរបស់អារ៉ាប៊ីសាអ៊ូឌីត និងការចែករំលែកកម្រិតខ្ពស់ នៅក្នុងវិស័យបញ្ញាសិប្បនិមិត្ត និងបច្ចេកវិទ្យា ដែលកំពុងរីកចម្រើនផ្សេងទៀត។

សំណើមួយ នឹងត្រូវបានធ្វើឡើងសម្រាប់អ៊ីស្រាអែលជុំវិញការធ្វើប្រក្រតីភាពទំនាក់ទំនងការទូត ជាមួយទីក្រុងរីយ៉ាដ ជាថ្នូរនឹងការទទួលយករបស់អ៊ីស្រាអែលនូវដំណោះស្រាយរដ្ឋទាំងពីរចំពោះជម្លោះអ៊ីស្រា អែល-អារ៉ាប់ រយៈពេល ៧៦ ឆ្នាំ។ ប៉ុន្តែក្រោមសំណើផែនការ B របស់ទីក្រុងរីយ៉ាដ ការបញ្ចប់កិច្ចព្រមព្រៀងរវាងអាមេរិក និងអារ៉ាប៊ីសាអ៊ូឌីត នឹងមិនត្រូវបានធ្វើឡើង ដោយផ្អែកលើកិច្ចព្រមព្រៀងពីរដ្ឋាភិបាលលោក ណេតាន់យ៉ាហ៊ូ ឡើយ។