មន្ត្រីសន្តិសុខប៉ាឡេស្ទីន បានសម្លាប់ខ្មាន់កាំភ្លើងម្នាក់ នៅក្នុងតំបន់វេសបែង (West Bank) នៅថ្ងៃព្រហស្បតិ៍នេះ ដែលជាការប៉ះទង្គិចគ្នារវាងប្រទេសប៉ាឡេស្ទីនដ៏កម្រ ដែលស្ថានភាព មានជម្លោះ ហើយដែលក្រុមសកម្មប្រយុទ្ធ បានពិពណ៌នាថា ជា «ការធ្វើឃាតតាមបែបអ៊ីស្រាអែល»។

អ្នកនាំពាក្យសេវាសន្តិសុខរបស់អាជ្ញាធរប៉ាឡេស្ទីន លោក Talak Dweikat បាននិយាយថា កងកម្លាំងដែលត្រូវបានបញ្ជូនទៅល្បាតទីក្រុង Tulkarm នៅពេលយប់ បានទទួលរងនូវការបាញ់ប្រហារ និងបានបាញ់តបតវិញ ដោយគ្រាប់កាំភ្លើងត្រូវចំខ្មាន់កាំភ្លើង។ គាត់បានស្លាប់ដោយសាររបួសរបស់គាត់ នៅក្នុងមន្ទីរពេទ្យ។

វីដេអូដែលត្រូវបានគេផ្សព្វផ្សាយតាមអ៊ីនធឺណិត ហើយដែលសារព័ត៌មានរ៉យទ័រ មិនអាចបញ្ជាក់បាន      ភ្លាមៗនោះ បានបង្ហាញថា រថយន្តមួយគ្រឿង បានត្រូវគ្រាប់កាំភ្លើង។

ក្រុមប្រដាប់អាវុធក្នុងស្រុកមួយក្រុម ទីក្រុងTulkarm និងកងពលតូច Nour Shams Camp បានអះអាងថា បុរសដែលបានស្លាប់នោះឈ្មោះ Ahmed Abu al-Foulថា ជាសមាជិករបស់ខ្លួន ដែលមានទំនាក់ទំនងជាមួយក្រុមសកម្មប្រយុទ្ធជីហាដឥស្លាម។

កងពលតូចនេះ បាននិយាយនៅក្នុងសេចក្តីថ្លែងការណ៍មួយថា លោក Al-Foul ត្រូវបានកំណត់គោលដៅនៅក្នុងរថយន្តរបស់គាត់ ដោយគ្មានការបង្កហេតុ។ «ឧក្រិដ្ឋកម្មនេះ គឺដូចជាការធ្វើឃាតណាមួយដោយកងកម្លាំងពិសេសរបស់អ៊ីស្រាអែល»។