នាយករដ្ឋមន្ត្រីអ៊ីតាលី លោកស្រី Giorgia Meloni នៅថ្ងៃព្រហស្បតិ៍ (ទី២ ខែឧសភា) នេះ បានទទួលស្វាគមន៍ព្រះមហាក្សត្រនៃប្រទេសហ្ស៊កដានី គឺព្រះអង្គម្ចាស់ Abdullah II នៅទីក្រុងរ៉ូម ដើម្បីពិភាក្សាអំពីស្ថានភាពនៅតំបន់មជ្ឈិមបូព៌ា។

យោងតាមសេចក្តីប្រកាសព័ត៌មានរបស់រដ្ឋាភិបាលអ៊ីតាលី បានឲ្យដឹងថា លោកស្រី Meloni បានសម្តែងការពេញចិត្តយ៉ាងខ្លាំង ចំពោះតួនាទីដ៏សំខាន់របស់ហ្ស៊កដានី នៅក្នុងតំបន់ និងបានរំលឹកឡើងវិញនូវការប្តេជ្ញាចិត្តរបស់អ៊ីតាលី ក្នុងការផ្តល់ជំនួយមនុស្សធម៌ដល់ប្រជាជនស៊ីវិល នៅតំបន់ហ្កាហ្សា ក៏ដូចជាកិច្ចសហប្រតិបត្តិការជាមួយហ្សកដានីផងដែរ។

ស្តេចហ្ស៊កដានីអង្គនេះ នាពេលព្រឹក ក៏បានជួបផងដែរជាមួយប្រធានាធិបតីអ៊ីតាលី លោក Sergio Mattarella នៅវិមានប្រធានាធិបតី Quirinale។ ហើយក្នុងព្រះរាជដំណើរទស្សនកិច្ចរបស់ព្រះអង្គនៅទីក្រុងរ៉ូមនេះ ព្រះមហាក្សត្រ Abdullah II ក៏ត្រូវយាងទៅជួបសម្តេច ប៉ាប ហ្វ្រង់ស៊ីស នៅបុរីវ៉ាទីកង់ផងដែរ៕