កិច្ចខិតខំប្រឹងប្រែងស្វែងរក និងជួយសង្គ្រោះ កំពុងដំណើរការនៅក្នុងតំបន់ Luwu Regency ក្នុងខេត្ត Sulawesi ភាគខាងត្បូងប្រទេសឥណ្ឌូនេស៊ី បន្ទាប់ពីទឹកជំនន់ បានវាយប្រហារតំបន់នោះ និងបានបណ្តាលឲ្យមនុស្ស ១៤នាក់ស្លាប់។

វីដេអូពីទីភ្នាក់ងារស្វែងរក និងជួយសង្គ្រោះជាតិ (Basarnas) របស់ប្រទេសឥណ្ឌូនេស៊ី កាលពីថ្ងៃសុក្រ (ថ្ងៃទី៣ ខែឧសភា) បង្ហាញពីទំហំនៃទឹកជំនន់ដែលបង្កឡើងដោយភ្លៀងធ្លាក់ខ្លាំង ហើយក្រុមអ្នកជួយ  សង្គ្រោះ បានជម្លៀសអ្នកនៅរស់រានមានជីវិត ចេញពីទូកកៅស៊ូ។

អាជ្ញាធរ បាននិយាយនៅថ្ងៃសៅរ៍ទី៤ ខែឧសភានេះ ថាមនុស្ស ១៤នាក់ បានស្លាប់ដោយសារទឹកជំនន់និងបំណាក់ដី។ មួយថ្ងៃមុននេះ ចំនួនអ្នកស្លាប់ បានកើនដល់ ៧នាក់ នេះបើយោងតាមមន្ត្រីម្នាក់មកពីទីភ្នាក់ងារ Basarnas។

ទីភ្នាក់ងារនេះ បាននិយាយថា ទឹកជំនន់នៅព្រឹកព្រលឹមក្នុងតំបន់ Luwu Regency បានប៉ះពាល់ដល់គ្រួសារជាង ២.000 និងខូចខាតផ្ទះជាង ១.៩០០ខ្នង ទោះបីជាកម្រិតទឹក បានចាប់ផ្តើមស្រកចុះ នៅក្នុងតំបន់មួយចំនួនក៏ដោយ។