ឧត្តរមានជ័យ÷ សម្ព័ន្ធសមាគមសហគ្រាសធុនតូច និងមធ្យមកម្ពុជា FASMEC រៀបចំសិក្ខាសាលាដើម្បីផ្តល់ចំណេះដឹង និងអត្ថប្រយោជន៍ដល់សហគ្រាសធុនតូច និងមធ្យម នៅខេត្តឧត្តរមានជ័យ ទទួលបានដឹងព័ត៍មានពាក់ព័ន្ធច្បាប់បញ្ញាតិផ្សេងៗ ធនាគាដៃគូ និងព័ត៍មានទាក់ទងក្រុមហ៊ុនដៃគូជាដើម។

 ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) បានដឹកនាំ និងរៀបចំកម្មវិធីសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទកូវីដ-១៩” ជូនសមាជិក-សមាជិកា របស់ FASMEC ខេត្តឧត្តរមានជ័យ នៅថ្ងៃទី ៣ ខែ ឧសភា ឆ្នាំ ២០២៤ មានការអញ្ជើញចូលរួមបើកកម្មវិធីក្រោមអធិបតីភាពដ៏ខ្ពង់ខ្ពស់របស់ លោកជំទាវ មិន ធារី អភិបាលរង នៃគណៈអភិបាលខេត្តឧត្តរមានជ័យ តំណាងដ៏ខ្ពង់ខ្ពស់របស់ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ និងបិទកម្មវិធីក្រោមអធិបតីភាព លោក ស៊ាម សេងហំ ប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ តំណាងខ្ពង់ខ្ពង់របស់ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ ព្រមទាំងដៃគូសហការឧបត្ថម្ភនានាមានដូចជា សមាគមមូលនិធិសម្តេចតេជោ, សហគ្រិនខ្មែរ, ធនាគារវីង ម.ក និងដៃគូសហការផ្សេងៗទៀត និងមាន SMEចូលរួមចំនួន ១៧០ នាក់។

ទាក់ទិនសិក្ខាសាលានេះ សម្ព័ន្ធសមាគមសហគ្រាសធុនតូច និងមធ្យមកម្ពុជា មានគោលបំណងដើម្បីផ្តល់ចំណេះដឹង និងអត្ថប្រយោជន៍ដល់សហគ្រាសធុនតូច និងមធ្យមទូទាំងប្រទេសកម្ពុជា បានដឹងពីព័ត៍មានទាក់ទងនឹងច្បាប់បញ្ញាតិនានា ព័ត៍មានទាក់ទង និងធនាគាដៃគូនិងក្រុមហ៊ុនដៃគូជាដើម៕