មីយ៉ាន់ម៉ា៖ រយៈពេល ៦ខែបន្ទាប់ពីការដណ្តើមអំណាចពីរដ្ឋាភិបាលជាប់ឆ្នោត មេដឹកនាំយោធាមីយ៉ាន់ម៉ាកាលពីថ្ងៃអាទិត្យបានបញ្ជាក់ជាថ្មី ពីការសន្យារបស់លោកថានឹងរៀបចំការបោះឆ្នោតថ្មី ហើយលោកបានកំណត់ពេលវេលា ២ឆ្នាំដើម្បីបញ្ចប់ដំណើរការនេះ។
ឧត្តមសេនីយ៍ដែលបានកាន់អំណាចនៅក្នុងរដ្ឋប្រហារ នៅសហភាពមីយ៉ាន់ម៉ាកាលពីខែកុម្ភៈបានតែងតាំងខ្លួនឯងជានាយករដ្ឋមន្ត្រី ហើយបាននិយាយថា ច្បាប់គ្រាអាសន្នអាចបន្តដល់ខែសីហា ឆ្នាំ២០២៣។ នៅក្នុងសុន្ទរកថារយៈពេលមួយម៉ោង លោក Min Aung Hlaing បានសន្យាថានឹងរៀបចំការបោះឆ្នោតពហុគណបក្សដោយសេរីត្រឹមត្រូវ និងយុត្តិធម៌ ប៉ុន្តែក៏បានហៅគណបក្សជាប់ឆ្នោតដែលលោកបានផ្ដួលរំលំនោះថា ជាភេរវករផងដែរ។ មនុស្សរាប់រយនាក់បានស្លាប់នៅក្នុងការតវ៉ាដែលនៅតែបន្តប្រឆាំងនឹងរដ្ឋប្រហារ។
ក្រុមអ្នកតវ៉ាជាច្រើនបានស្ថិតនៅក្នុងប្រព័ន្ធថែទាំសុខភាពដែលបានដួលរលំ ស្របពេលមានការកើនឡើងយ៉ាងខ្លាំងនៃការឆ្លងវីរុស Covid-19។ រហូតមកដល់ពេលនេះមីយ៉ាន់ម៉ាបានរាយការណ៍ថា មានករណីឆ្លងចំនួន ៣០២,៦៦៥នាក់បន្ទាប់ពីមានករណីឆ្លងថ្មីចំនួន ៣,៤៨០នាក់ និងមានអ្នកស្លាប់ចំនួន ៩,៧៣១នាក់បន្ទាប់ពីមានអ្នកស្លាប់ថ្មីចំនួន ៣៩៧នាក់ បើទោះបីជាការធ្វើតេស្តមានការកំណត់បង្ហាញថា ចំនួនទាំងនោះគឺមិនអាចប៉ាន់ស្មានបានច្រើនក៏ដោយ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
