ភ្នំពេញ៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និង​បណ្តុះបណ្តាល​វិជ្ជាជីវៈ​ សហការជាមួយវិទ្យាស្ថានជាតិសហគ្រិនភាព និងនវានុវតន៍ (NIEI) រួមជាមួយ ស.ស.យ.ក វិស័យការងារ និងបណ្ដុះបណ្ដាលវិជ្ជាជីវៈ នាព្រឹកថ្ងៃទី៨ ខែឧសភា ឆ្នាំ២០២៤នេះ បានរៀបចំសិក្ខាសាលាស្តីពី "ការត្រៀមលក្ខណៈសម្បត្តិក្នុងការស្វែងរកការងារ" ជូនដល់​សិក្ខាកាម​ដែល​ត្រៀមបញ្ចប់វគ្គបណ្តុះបណ្តលរយៈពេល៤ខែ ក្នុង "កម្មវិធីបណ្តុះ​បណ្តាល​ជំនាញ​បច្ចេក​ទេស និងវិជ្ជាជីវៈដល់យុវជនមកពីគ្រួសារក្រីក្រ និងគ្រួសារងាយរងហានិភ័យ" នៅ​វិទ្យាស្ថាន​ជាតិសហគ្រិនភាព និងនវានុវតន៍ (NIEI) រាជធានីភ្នំពេញ។

សិក្ខាសាលានេះ រៀបចំឡើងក្នុងគោលបំណងដើម្បីផ្តល់នូវចំណុចគន្លឹះសំខាន់ៗ ដល់​សិក្ខាកាម​ក្នុង​ការ​ត្រៀម​ខ្លួនចូលទីផ្សារការងារប្រកបដោយប្រសិទ្ធភាព ដើម្បីឲ្យពួក​គាត់​អាច​ទទួល​បាន​ការងារ​កាន់​តែ​ឆាប់រហ័ស។ NEA នឹងបន្តរៀបចំសិក្ខាសាលាដូចនេះ ដល់សិក្ខាកាម​នៅ​តាម​គ្រឹះ​ស្ថាន​បណ្តុះ​បណ្តាលទូទាំងរាជធានី-ខេត្ត ព្រមទាំងផ្តល់សេវាផ្គូផ្គង និង ស្វែងរកការងារ​ជូន​ដល់​សិក្ខា​កាម​ផងដែរ៕