ប្រធានាធិបតីរុស្ស៊ី លោក វ៉ូឡុមៀ ហ្សេឡិនស្គី ( Volodymyr Zelenskyy) បាននិយាយថា ប្រទេសរុស្ស៊ី បានបើកការវាយប្រហារតាមអាកាស ទៅលើរោងចក្រថាមពលនៅទូទាំងប្រទេសអ៊ុយក្រែន នៅព្រឹកថ្ងៃពុធនេះ ដោយបានកំណត់គោលដៅលើតំបន់ចំនួន ៧ដែលមានមីស៊ីលជាង៥០គ្រាប់ និងយានដ្រូនជាច្រើនគ្រឿង។
ក្រុមមន្ត្រី បានអះអាងថា ការវាយប្រហារនោះ ក៏បានធ្វើឲ្យខូចខាតដល់ស្ថានីយរថភ្លើង និងផ្លូវរថភ្លើង នៅក្នុងទីក្រុងឃឺសុន ( Kherson) ឆ្លងកាត់ទន្លេ Dnieper ពីទឹកដីដែលគ្រប់គ្រងដោយរុស្ស៊ី ហើយមនុស្សពីរនាក់ បានរងរបួស នៅក្នុងទីក្រុង Brovary ដែលនៅជាប់នឹងរដ្ឋធានីគីវ។
រុស្ស៊ី បានកំណត់គោលដៅលើហេដ្ឋារចនាសម្ព័ន្ធថាមពលរបស់អ៊ុយក្រែន យ៉ាងទៀងទាត់។ មានការវាយប្រហារតាមអាកាសដ៏ធំមួយលើរោងចក្រថាមពល កាលពីថ្ងៃទី ២៧ ខែមេសា និងមួយសប្តាហ៍មុននេះ។
នៅក្នុងការបង្ហោះនៅលើប្រព័ន្ធផ្សព្វផ្សាយសង្គម លោក ហ្សេឡិនស្គី បានកត់សម្គាល់ថា ការវាយប្រហារនៅពីថ្ងៃពុធនេះ បានកើតឡើង នៅថ្ងៃដែលអ៊ុយក្រែនសង្កេតឃើញការបញ្ចប់នៃការប្រយុទ្ធនៅអឺរ៉ុប ក្នុង សង្គ្រាមលោកលើកទី២។
លោក ហ្សេឡិនស្គី បាននិយាយថា៖«ការវាយប្រហារដោយមីស៊ីលដ៏ធំរបស់លោក ពូនទីន នៅថ្ងៃនៃការចងចាំ និងជ័យជម្នះលើណាហ្ស៊ីនិយម ក្នុងសង្គ្រាមលោកលើកទី២។ «ពិភពលោកទាំងមូល គួរតែយល់យ៉ាងច្បាស់ថា អ្នកណាជានរណា។ ពិភពលោកទាំងមូល គ្មានសិទ្ធិផ្តល់ឲ្យណាហ្ស៊ីនិយមនូវឱកាសមួយ ទៀតទេ»។
ប្រតិបត្តិករបណ្តាញអគ្គិសនីជាតិ Ukrenergo បាននិយាយថា គ្រឿងបរិក្ខារ ត្រូវបានវាយប្រហារ នៅក្នុងតំបន់ Vinnytsia, Zaporizhzhia, Kirovohrad, Poltava និង Ivano-Frankivsk។