ឯកអគ្គរដ្ឋទូតចិនប្រចាំនៅរុស្ស៊ី លោក Zhang Hanhui បាននិយាយនៅក្នុងបទសម្ភាសន៍ជាមួយទីភ្នាក់ងារសារព័ត៌មានរដ្ឋ RIA របស់រុស្ស៊ីក្នុងសុន្ទរកថាដែលបានចេញផ្សាយកាលពីថ្ងៃអង្គារថា ទីក្រុងប៉េកាំងគាំទ្រសន្និសីទសន្តិភាពស្តីពីសង្គ្រាមអ៊ុយក្រែនដែលនឹងឃើញមានការចូលរួមស្មើៗគ្នាពីគ្រប់ភាគី។
សារព័ត៌មាន RIA បានដកស្រង់សម្តីឯកអគ្គរដ្ឋទូត ដោយនិយាយថា៖«ប្រទេសចិនគាំទ្រការកោះប្រជុំទាន់ពេលវេលានៃសន្និសីទសន្តិភាពអន្តរជាតិ ដែលត្រូវបានអនុម័តដោយភាគីរុស្ស៊ី និងអ៊ុយក្រែន ដោយមានការចូលរួមស្មើៗគ្នាពីគ្រប់ភាគី និងការពិភាក្សាដោយយុត្តិធម៌នៃជម្រើសទាំងអស់សម្រាប់សន្តិភាព។
ប្រទេសស្វ៊ីស នឹងធ្វើជាម្ចាស់ផ្ទះកិច្ចពិភាក្សាក្នុងអំឡុងពេលសន្និសីទជាន់ខ្ពស់រយៈពេលពីរថ្ងៃ នៅថ្ងៃទី ១៥-១៦ខែមិថុនា ក្នុងគោលបំណង ដើម្បីសម្រេចបាននូវសន្តិភាព នៅក្នុងប្រទេសអ៊ុយក្រែន ដែលទីក្រុងមូស្គូមិនត្រូវបានអញ្ជើញឲ្យចូលរួម។ កាលពីថ្ងៃចន្ទ ប្រធានាធិបតីចិន លោក ស៊ី ជីនពីង (Xi Jinping) ក្នុងដំណើរបំពេញទស្សនកិច្ចនៅប្រទេសបារាំង ហាក់មានភាពពេញចិត្តនឹងសន្និសីទនៅប្រទេសស្វ៊ីស។
ទីក្រុងមូស្គូ បាននិយាយថា ខ្លួនមើលមិនឃើញចំណុចណាមួយ ក្នុងកិច្ចចរចាសន្តិភាពអ៊ុយក្រែន នៅប្រទេសស្វ៊ីស ខណៈដែលទីក្រុងគីវ បានលើកឡើងថា ខ្លួនមិនឃើញកន្លែងណាមួយនៅក្នុងកិច្ចប្រជុំកំពូលដែលធ្វើឡើងនៅជិតទីក្រុង Lucerne របស់ប្រទេស្វ៊ីសសម្រាប់ប្រទេសរុស្ស៊ីនោះទេ។
ទីក្រុងប៉េកាំង បានដាក់ចេញនូវឯកសារចំនួន ១២ចំណុចកាលពីជាងមួយឆ្នាំមុន ដែលបានកំណត់ពី គោលការណ៍ទូទៅសម្រាប់ការបញ្ចប់សង្រ្គាម ប៉ុន្តែមិនបានបញ្ជាក់ពីឲ្យបានជាក់លាក់នោះទេ។