ភ្នំពេញ៖ ស្បៀងអាហារដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ​ព្រះ​រាជា​ណា​ច​ក្រ​កម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានអាជ្ញាធរខណ្ឌទួលគោកយកទៅចែកជូន ប្រជាពលរដ្ឋ ចំនួន ១៦៥​គ្រួ​សា​រ រស់នៅតំបន់បិទខ្ទប់ នៅភូមិ៥ សង្កាត់បឹងសាឡាង ខណ្ឌទួលគោក ដែលទទួលរងគ្រោះ ឬរងផលប៉ះ​ពាល់ធ្ងន់​ធ្ងរ​ពី​មេ​រោ​គកូ​វី​ដ​-១៩។

ជាក់ស្ដែងនៅរសៀលថ្ងៃចន្ទ ៩រោច ខែទុតិយាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០២ ខែសីហា ឆ្នាំ២០២១ លោក ឯក ឃុន​ដឿន អភិបាល នៃគណៈអភិបាលខណ្ឌទួលគោក បានប្រគល់អំណោយ ដល់បងប្អូនប្រជាពលរដ្ឋ រស់នៅតំបន់បិទខ្ទប់ ភូមិ៥ ក្នុងសង្កាត់​ផ្សា​រ​បឹងសាឡាង ខណ្ឌទួលគោក ដោយក្នុង មួយ គ្រួសារទទួលបានអង្ករ ទឹកស៊ីអ៊ីវ ត្រីខ និងមី ដែលជាអំណោយដ៏ថ្លៃថ្លា របស់សម្ដេច អគ្គម ហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរ​យៈ​លោកឃួង ស្រេង អភិបាលរាជធានីភ្នំពេញ។

ក្នុងពិធីចែកអំណោយនោះ លោក ឯក ឃុនដឿន ក៏បានណែនាំអោយបងប្អូនប្រជាពល​រដ្ឋ ចូល​រួមទប់​ស្កាត់​ការរីករាលដាលជំងឺ​កូវីដ​-១៩​ ទាំងអស់គ្នា ដោយត្រូវអនុវត្តឱ្យបានខ្ជាប់ខ្ជូន នូវវិធានរបស់ក្រសួងសុខាភិបាល និង​អនុ​​​វត្តន៍​៣កុំ និង៣ការពារ ដោយហេតុថា យើ​ងមិន​បាន​ដឹងថា នរណាម្នាក់មានជម្ងឺកូវីដ-១៩នោះទេ ដូច្នេះ យើង​ត្រូវ​ចូលរួម​ទប់ស្កាត់ទាំងអស់គ្នា ដើម្បីកាត់ផ្តាច់​អោយ​បាន​នូវការរីករាល​ដា​ល​​ជំងឺ​កូវីដ-១៩ និង វីរុស ១៩ប្រភេទ Delta ថ្មី៕ អត្ថបទ៖ កុម្ភះ