ភ្នំពេញ ៖ នៅប៉ុន្មានថ្ងៃថ្មីៗកន្លងមកនេះ យើងសង្កេតឃើញថា មហាជនទាំងក្នុង និងក្រៅប្រទេសបានបន្តចេញមកគាំទ្រគម្រោងព្រែកជីកហ្វូណនតេជោយ៉ាងផុលផុស ជាពិសេសតាមបណ្ដាញសង្គមនានា។

​មហាជនជាពលរដ្ឋក្ដី មន្ត្រីរាជការក្ដី និងអ្នកនៅក្រៅប្រទេសក្ដីបានបង្ហាញនូវការគាំទ្រចេញពីចិត្ត ពី បេះដូង ចំពោះគម្រោងព្រែកជីកហ្វូណនតេជោ ដោយសារគាត់បានមើលឃើញនូវអត្ថប្រយោជន៍ ម ហាសាលចំពោះជាតិ។ ការមើលឃើញនូវអត្ថប្រយោជន៍ជាច្រើនចំពោះជាតិរបស់គម្រោងនេះ សូម្បី តែពលរដ្ឋសាមញ្ញ អ្នកមិនចេះអក្សរ និងជនជាតិភាគតិចនានាជាច្រើន ក៏បានមើលឃើញពីសារៈសំខាន់នៃគម្រោងព្រែកជីកនេះដែរ។

អ្វីដែលគួរឱ្យកត់សម្គាល់ថែមទៀតនោះ គឺមហាជនទាំងអស់ ទាំងមន្ត្រីរាជការ និង ទាំងពលរដ្ឋ, ទាំង និស្សិត រួមទាំងពលករកម្ពុជានៅក្រៅប្រទេស បានបង្ហាញនូវទំហំនៃការគាំទ្រកាន់តែខ្លាំងឡើងថែម ទៀត ជាពិសេសតាមរយៈការប្ដូរប្រូហ្វាល់រូបភាពផ្ទាល់ខ្លួននៅលើបណ្ដាញសង្គមនានាមានដូចជា តិកតុក, ហ្វេសប៊ុក និងតេលេក្រាម ជាដើម ដោយភ្ជាប់នូវខ្លឹមសារថា «យើងគាំទ្រព្រែកជីកហ្វូណនតេជោ»។

ក្រៅពីមហាជន, អតីតសមាជិក និងថ្នាក់ដឹកនាំនៃអតីតគណបក្សប្រឆាំង ក៏បានប្ដូរប្រូហ្វាល់នៅលើប ណ្ដាញសង្គម ដោយភ្ជាប់នូវខ្លឹមសារ «យើងគាំទ្រព្រែកជីកហ្វូណនតេជោ» ដូចពលរដ្ឋ និងសាធារណ ជននានាដែរ។

លោក គឹម សុខ ដែលធ្លាប់តែប្រឆាំងនឹងការដឹកនាំរបស់សម្ដេចតេជោ និងសម្ដេចធិបតី ក៏បានថ្លែងគាំ ទ្រគម្រោងព្រែកជីកហ្វូណនតេជោនេះ តាមរយៈកិច្ចសម្ភាសជាមួយវិទ្យុបរទេសផ្សាយជាភាសាខ្មែរផ ងដែរ។

ព្រែកជីកហ្វូណតេជោ គ្រោងនឹងចាប់ផ្ដើមនៅក្នុងឆ្នាំ២០២៤ នេះ ដោយចំណាយពេលនៅក្នុងការសាង សង់រយៈពេល ៤ ឆ្នាំ។ នៅពេលគម្រោងនេះលេចចេញជារូបរាង, កម្ពុជានឹងទទួលបាននូវអត្ថប្រយោជ ន៍ជាច្រើន ជាពិសេសមិនចាំបាច់រង់ចាំមើលមុខវៀតណាមថាតើ គេសប្បាយចិត្ត ឬ មិនសប្បាយចិត្ត នោះឡើយ៕

ដោយ៖ គង់ ឌិន