ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើម   បូព៌ា (UNRWA) បាននិយាយនៅថ្ងៃសុក្រនេះថា មនុស្សប្រហែល ១១០.000នាក់ បានចាកចេញពីទីក្រុងរ៉ាហ្វា នៅភាគខាងត្បូងនៃតំបន់ហ្កាហ្សាស្ទ្រីប ចាប់តាំងពីកងទ័ពអ៊ីស្រាអែល បានចាប់ផ្តើមចូលទៅក្នុងទីក្រុងនេះ។

ទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន បាននិយាយនៅក្នុងការបង្ហោះមួយនៅលើបណ្តាញងសង្គម Xថា៖«UNRWA ប៉ាន់ប្រមាណថា មនុស្សប្រហែល ១១០.000នាក់ ឥឡូវនេះ បានភៀសខ្លួនចេញពីទីក្រុងរ៉ាហ្វា ដើម្បីស្វែងរកសុវត្ថិភាព»។

ការបង្ហោះ បានបន្តថា៖«ប៉ុន្តែគ្មានកន្លែងណាមួយ មានសុវត្ថិភាពទេ នៅក្នុងតំបន់ហ្កាហ្សាស្ទ្រីប ហើយស្ថានភាពរស់ នៅគឺអាក្រក់ណាស់»។ «ក្តីសង្ឃឹមតែមួយគត់ គឺបទឈប់បាញ់ជាបន្ទាន់»។

យោងតាមអាជ្ញាធរព្រំដែនប៉ាឡេស្ទីន បានឲ្យដឹងថា ច្រកព្រំដែនរ៉ាហ្វា ទៅកាន់ប្រទេសអេហ្ស៊ីប នៅតែបិទមិនឲ្យជំនួយមនុស្សធម៌ចូល។

កងទ័ពអ៊ីស្រាអែល បាននិយាយថា ទាហាននៅតែត្រូវបានដាក់ពង្រាយ នៅភាគខាងកើតនៃទីក្រុងរ៉ាហ្វា និងនៅភូមិ Al-Saitun នៅតំបន់ហ្កាហ្សាស្ទ្រីបភាគកណ្តាល។

នៅក្នុងទីរ៉ាហ្វានេះ កងទ័ពអ៊ីស្រាអេល បានកំណត់ផ្លូវរូងក្រោមដីជាច្រើន។ ក្នុងអំឡុងពេលប្រយុទ្ធនៅច្រករ៉ាហ្វាឆ្លងនៃខាងប៉ាឡេស្ទីន ទៅកាន់ប្រទេសអេហ្ស៊ីប «ភេរវករជាច្រើនក្រុម ត្រូវបានសម្លាប់»។