​ចំបាប់​៖ ​អត្ត​ព​លិ​ក​គុយបា Mijian Lopez បាន​ក្លាយជា​បុរស​ដំបូង​ដែល​ឈ្នះ​មេ​ដាយមាស​អូឡាំពិក​ដល់​ទៅ ៤​គ្រឿង​ពី​វិញ្ញាសា​កីឡា​ចំបាប់​។ ​​ប្រកួត​ចុងក្រោយ​នៅ​ថ្ងៃ​ចន្ទ​ម្សិលមិញ កីឡាករ​វ័យ ៣៨ឆ្នាំ​រូបនេះ​បាន​យកឈ្នះ​កីឡាករ​មកពី​ហ្ស​ក​ហ្ស៊ី Iakobi Kajaia ៥-០ វគ្គ​ផ្តាច់ព្រ័ត្រ​វិញ្ញាសា ក្រិ​ក​-​កូ​រ៉ូ​ម៉ាំង ទំងន់ ១៣០​គីឡូក្រាម។

​​ជ័យជំនះ​របស់ Mijian Lopez ក្លាយជា​អត្ត​ព​លិ​ក​ដែល​ឈ្នះ​មេដាយមាស ៤ ដូចគ្នា​នឹង​កីឡាករ​ជប៉ុន Icho ដែល​ឈ្នះ​មេដាយមាស ៤ ដែរ​ពី​វិញ្ញាសា​ចំបាប់​សេរី​នៅ​ឆ្នាំ២០០៤, ២០០៨, ២០១២ និង ២០១៦​។ ​​ចំណែក Mijian Lopez ឈ្នះ​មេដាយមាស​ដំបូង​របស់ខ្លួន​នៅ​ឆ្នាំ២០០៨ ទំងន់ ១២០​គីឡូក្រាម, ឆ្នាំ២០១២ ទំងន់ ១២០​គីឡូក្រាម និងឆ្នាំ២០១៦ ទំងន់ ១៣០​គីឡូក្រាម​។ ​​ចំណែក​កីឡា​ចំបាប់​ដដែល​តែ​ប្រភេទ​ទំងន់ ៦០​គីឡូក្រាម កីឡាករ​គុយបា​មួយរូប​ទៀត Luis Orta Sanchez ដណ្តើមបាន​មេដាយមាស​មួយគ្រឿង​ទៀត​ ក្រោយ​យកឈ្នះ​កីឡាករ​ជប៉ុន Kenichiro Fumita ៥-១ នៅ​វគ្គ​ផ្តាច់ព្រ័ត្រ​។​

​​ងាក​មក​ការប្រកួត​កីឡា​ប្រណាំង​កង់ កីឡាការិនី​ចិន Bao Shanju និង Zhong Tiangshi បាន​យកឈ្នះ​ដៃគូ​កីឡាការិនី​អាល្លឺម៉ង់ Lea Sophie Friedrich និង Emma Hinze ដើម្បី​យកឈ្នះ​មេដាយមាស​។ ​​រីឯ​ឥណ្ឌូនេស៊ី​ដណ្តើមបាន​មេដាយសំរឹទ្ធ​ ១គ្រឿង​ទៀត​នៅ​វិញ្ញាសា​កីឡា​វាយ​សី កីឡាករ Anthony Sinisuka យកឈ្នះ​កីឡាករ Kevin Cordon មកពី​ប្រទេស​ក្វា​តា​ម៉ា​ឡា​៕

​អត្ថបទ​៖​នាង សុភា​វុ​ធ