បណ្ដាប្រទេសរបស់អង្គការណាតូ (NATO) បានចូលរួមហ្វឹកហាត់ជាមួយគ្នានៅក្នុងប្រទេសអេស្តូនី នាថ្ងៃសុក្រ (ទី១០ ខែឧសភា) នេះ ដោយអនុវត្តពីរបៀបដាក់ពង្រាយយ៉ាងរហ័ស ដើម្បីគាំទ្រដល់សម្ព័ន្ធមិត្ត ក្នុងករណីមានការវាយប្រហារ។

សមយុទ្ធនេះ គឺជាផ្នែកមួយនៃសមយុទ្ធឈ្មោះ «Steadfast Defender» (អ្នកការពារដ៏រឹងមាំ) របស់សម្ព័ន្ធមិត្តយោធាមួយនេះ ពោលគឺជាការធ្វើសមយុទ្ធដ៏ធំបំផុតបំផុតរបស់ខ្លួន គិតចាប់តាំងពីបញ្ចប់សង្គ្រាមត្រជាក់។

ឧត្តមសេនីយ៍ឯក លោក Giles Harris របស់អង់គ្លេស ដែលជាប្រធានក្រុមសមរភូមិឈ្មោះ Enhanced Forward Presence របស់អង្គការណាតូ នៅក្នុងប្រទេសអេស្តូនី បាននិយាយថា សមយុទ្ធនេះបានជួយធ្វើឲ្យសម្ព័ន្ធមិត្តត្រៀមខ្លួនជាស្រេច ដើម្បីឆ្លើយតប ប្រសិនបើប្រទេសណាមួយត្រូវបានវាយប្រហារ។

លោក Harris បាននិយាយថា៖ «ខ្ញុំគិតថា អ្វីដែលកំពុងកើតមាននៅអ៊ុយក្រែន រហូតទៅដល់ភាគខាងត្បូងផ្តល់ឲ្យយើងនូវមេរៀនដែលយើងត្រូវតែរៀនសូត្រ»។

គួរបញ្ជាក់ថា ទាហានប្រហែល ៩០.០០០នាក់មកពីសម្ព័ន្ធមិត្តណាតូទាំង ៣២ប្រទេស កំពុងចូលរួមក្នុងសមយុទ្ធ «អ្នកការពារដ៏រឹងមាំ» នេះ៕