ប្រជាពលរដ្ឋនៅតាមភូមិ រួមជាមួយសិស្សានុសិស្សនៅគ្រប់គ្រឹះស្ថានសិក្សា និង​ព្រះសង្ឃ​ចំនួន​១៧៦៥ អង្គនាក់ ក្នុងឃុំព្រះធាតុ ស្រុកអូររាំងឪ ខេត្តត្បូងឃ្មុំ បានបន្តវប្បធម៌ស្អាត តាមរយៈ​យុទ្ធនាការ​សម្អាតកម្ពុជា ដោយបាននាំគ្នាចេញមកសម្អាត អនាម័យជុំវិញសាលារៀន វត្តអារាម និង​មូលដ្ឋាន រយៈពេល១៥នាទី នៅព្រឹកថ្ងៃសៅរ៍ ទី១១ ខែឧសភា ឆ្នាំ២០២៤។ ចលានា​សម្អាត​បរិស្ថាននៅតាមមូលដ្ឋាន បានប្រមូលទុកដាក់ បានសំរាម សំណល់​ប្លាស្ទិក​ចំនួន ១៦០០​គីឡូក្រាម។ 

សូមបញ្ជាក់ថា ប្រជាពលរដ្ឋនៅទូទាំង២២ភូមិនៃឃុំព្រះធាតុ កាលពីថ្ងៃសៅរ៍សប្តាហ៍មុន បាន​សម្រេច​ចិត្ត​ចំណាយពេលវេលាយ៉ាងតិច១៥នាទី ដើម្បីប្រមូលទុកកដាក់សំរាមឱ្យបានត្រឹមត្រូវ និង​បានសម្អាតផ្ទះ និងមូលដ្ឋាន តាមរយៈយុទ្ធនាការសម្អាតកម្ពុជា។

ក្រសួងបរិស្ថាន បានសម្រេចនូវជោគជ័យ នៃភាពស្អាតនៅកម្ពុជាមួយជំហាន ដោយ​សារ​មាន​ការ​ចូលរួម​ពី​លោកគ្រូ អ្នកគ្រូ និងសិស្សានុសិស្ស កម្មករ កម្មការិនី មន្រ្តីរាជការ និងប្រជាជន ចំនួន​៨​លាន​នាក់ នៅក្នុងយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ” ថ្ងៃនេះ ខ្ញុំមិន​ប្រើ​ថង់​ប្លាស្ទិកទេ ”។ យុទ្ធនាការកាត់បន្ថយការប្រើប្រាស់ប្លាស្ទិក បានចាប់ផ្តើមពីសកម្មភាព និងការ​ចូលរួ​ម​ចេញពីបេះដូង របស់សិស្សានុសិស្ស នាពេលនេះ គឺជាកត្តាសំខាន់បំផុត ក្នុងការ​គាំទ្រ​ដល់​អាទិភាព និងយុទ្ធសាស្រ្តចក្រាវិស័យបរិស្ថាន របស់ក្រសួងបរិស្ថាន ដែលមានមុំ៣សំខាន់ គឺស្អាត បៃតង និងចីរភាព ជាពិសេសយុទ្ធសាស្រ្តចក្រាវិស័យបរិស្ថាន ដែលដាក់​ចេញ​អនុ​លោម​តាម​យុទ្ធសាស្រ្ត​បញ្ចកោណ ដំណាក់កាលទី១ របស់រាចរដ្ឋាភិបាល អាណត្តិទី៧ នៃរដ្ឋសភា មាន​គោល​ដៅ​សំខាន់ធ្វើឱ្យកម្ពុជា ដែលជាផ្ទះយើងទាំងអស់គ្នាស្អាត៕