​អាមេរិក៖ សហរដ្ឋអាមេរិក​បាន​និយាយ​កាលពី​ថ្ងៃ​ចន្ទ​​ថា ​របប​យោធា​មី​យ៉ាន់​ម៉ា​កំពុង​ប្រឡែង​លេង​ជាមួយ​ពេលវេលា​នៃ​ការបោះឆ្នោត​រយៈពេល ២​ឆ្នាំ ខណៈ​ដែល​រដ្ឋមន្ត្រីការបរទេស លោក Antony Blinken បាន​រៀប​ចំ​ជំរុញ​អាស៊ាន​ឱ្យ​តែងតាំង​ប្រេសិត​ពិសេស​មួយ​រូប​។​

​លោក Blinken កំពុង​ចូលរួម​តាម Video ស្ទើរ​តែមួយ​សប្ដាហ៍​នៃ​កិច្ចពិភាក្សា ​ជាមួយ​រដ្ឋមន្ត្រី​ការបរទេស​នៃ​សមាគម​ប្រជាជាតិ​អាស៊ីអាគ្នេយ៍ ដែល​ជា​កិច្ច​ខិតខំ​ប្រឹងប្រែង​ចុងក្រោយ​របស់​រដ្ឋបាល​របស់​លោក​ប្រធានាធិបតី Joe Biden ដើម្បី​ចូលរួម​ក្នុង​តំបន់​មួយ​នៅ​ជួរមុខ​ នៃ​ការប្រកួតប្រជែង​របស់​អាមេរិក​ជាមួយ​ចិន​។​ នៅមុន​កិច្ចពិភាក្សា​អាស៊ាន ប្រមុខ​របប​យោធា​មី​យ៉ាន់​ម៉ា​បាន​សន្យា​ថា​នឹង​រៀបចំ​ការបោះឆ្នោត និង​ដក​ច្បាប់​គ្រាអាសន្ន​ត្រឹម​ខែ​សីហា ​ឆ្នាំ​២០២​៣ ដោយ​ពន្យារពេល​កំណត់​ពេល​វេលា​ដំបូង ​ដែល​ខ្លួន​បាន​ប្រកាស​នៅ​ពេល​ដែល​យោធា​ទម្លាក់​លោកស្រី Aung San Suu Kyi កាលពី​ថ្ងៃ​ទី​១ ខែ​កុម្ភៈ​។​

មន្ត្រី​ជាន់ខ្ពស់​មួយ​រូប​របស់​សហរដ្ឋ​អាមេរិក​បាន​និយាយ​ថា សេចក្តី​ប្រកាស​នេះ​គឺជា​ការ​អំពាវ​នាវ​ឱ្យ​អាស៊ាន ​ត្រូវ​បង្កើន​កិច្ច​ខិតខំ​ប្រឹងប្រែង​រប​ស់​ខ្លួន​ព្រោះ​វា​ច្បាស់​ណាស់​ថា​ របប​យោធា​មី​យ៉ាន់​ម៉ាកំពុង​ជាប់​គាំង​នៅ​ពេល​នេះ ហើយ​ចង់​អូស​ពេលវេលា​ឱ្យ​បាន​យូរ​ដើម្បី​ផលប្រយោជ​ន៍​ផ្ទាល់ខ្លួន ដោយ​ប្រើប្រាស់​ឈ្មោះ​អតីត​ភូមា​របស់​សហភាព​មី​យ៉ាន់​ម៉ា​៕

អត្ថបទ៖ សុខមាន