ក្រុមហ៊ុនចិនជាច្រើន បានឈ្នះការដេញថ្លៃ ដើម្បីរុករកអណ្តូងប្រេង និងឧស្ម័នរបស់អ៊ីរ៉ាក់ចំនួន៥ កាលពីថ្ងៃសៅរ៍ ដោយទទួលបានអាជ្ញាប័ណ្ណសម្រាប់ការរុករកអ៊ីដ្រូកាបូន ដែលមានគោលបំណងជាចម្បងក្នុងការបង្កើនការផលិតឧស្ម័នសម្រាប់ការប្រើប្រាស់ក្នុងស្រុក។

ក្រុមហ៊ុនឃើដមួយរបស់អ៊ីរ៉ាក់ ក៏បានយកគម្រោងចំនួនពីរ ក្នុងចំណោមគម្រោងទាំង២៩ ដើម្បីដេញថ្លៃយកអាជ្ញាប័ណ្ណរយៈពេលបីថ្ងៃ នៅទូទាំងភាគកណ្តាល ភាគខាងត្បូង និងភាគខាងលិចប្រទេសអ៊ីរ៉ាក់ ដែលជាលើកដំបូងរួមមានប្លុករុករកនៅឈូងសមុទ្រ នៅក្នុងដែនទឹកឈូងសមុទ្រអារ៉ាប់របស់ប្រទេស នេនេះ។

ប្រទេសអ៊ីរ៉ាក់ មានបំណងទាក់ទាញការវិនិយោគរាប់ពាន់លានដុល្លារ ដើម្បីអភិវឌ្ឍន៍វិស័យប្រេង និង ឧស្ម័នរបស់ខ្លួន ខណៈដែលប្រទេសនេះ សម្លឹងមើលការបង្កើនផលិតកម្មគីមីឥន្ធនៈក្នុងស្រុក និងបញ្ចប់ការនាំចូលឧស្ម័នពីប្រទេសជិតខាងអ៊ីរ៉ង់ ដែលបច្ចុប្បន្ន ពិតជាសំខាន់ក្នុងការផលិតថាមពល។

ក្រុមហ៊ុនជាង ២០មានលក្ខណៈសម្បត្តិគ្រប់គ្រាន់សម្រាប់ការទទួលបានអាជ្ញាប័ណ្ណ រួមមានក្រុមអឺរ៉ុប ចិន អារ៉ាប់ និងអ៊ីរ៉ាក់។

ពុំមានក្រុមហ៊ុនប្រេងសំខាន់ៗរបស់អាមេរិកពាក់ព័ន្ធឡើយ បន្ទាប់ពីនាយករដ្ឋមន្ត្រីអ៊ីរ៉ាក់ លោក Mohammed Shia បានជួបជាមួយតំណាងក្រុមហ៊ុនប្រេងអាមេរិក ក្នុងអំឡុងពេលបំពេញទស្សនកិច្ចជាផ្លូវការ នៅសហរដ្ឋអាមេរិក កាលពីខែមុន។

ក្រុមហ៊ុនចិន បានឈ្នះការដេញថ្លៃចំនួន៥ កាលពីថ្ងៃសៅរ៍។

ក្រសួងប្រេង បាននិយាយថា ក្រុមហ៊ុន Zhongman Petroleum and Natural Gas Group (ZPEC) បានយកផ្នែកបន្ថែមភាគខាងជើងនៃតំបន់ភាគខាងកើតទីក្រុងបាកដាដ ក្នុងទីក្រុងបាកដាដ និងតំបន់ Middle Euphrates ដែលស្ថិតនៅក្នុងខេត្ត Najaf និង Karbala ភាគខាងត្បូង។