សៀមរាប ៖ សាខាកាកបាទក្រហម ខេត្តសៀមរាប កាលពីរសៀល ថ្ងៃទី ១២ ខែឧសភា ឆ្នាំ២០២៤ តាមរយ:លោក ចៅ ម៉ៅមុន្នី សមាជិកគណៈកម្មាធិការសាខា តំណាងឯកឧត្តម ប្រាក់ សោភ័ណ គណៈកម្មាធិការសាខាកាកបាទក្រហមខេត្តសៀមរាប ដែលបានរកគ្រោះដោយសារគ្រោះធម្មជាតិកាលពីថ្ងៃទី៦ខែឧសភាឆ្នាំ២០២៤។នៅក្នុងពិធី ចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ លោក ចៅ ម៉ៅមុន្នី មានប្រសាសន៍ថា ប្រជាពលរដ្ឋរងគ្រោះដោយខ្យល់កន្រ្តាក់ កាលពីរសៀល ថ្ងៃទី៦ ខែឧសភា ឆ្នាំ២០២៤ ចំនួន១២គ្រួសារ (ក្នងនោះឃុំស្វាយចេក របើកដំបូល១០ខ្នង និងឃុំជប់តាត្រាវ រលំ២ខ្នង)។

លោក ចៅ ម៉ៅមុន្នី សមាជិកណៈកម្មាធិការសាខា បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ប្រាក់ សោភ័ណ ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរខ្ពស់ចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។ លោកបានសម្តែងនូវការសោកស្តាយចំពោះការខួចខាតផ្ទះសំបែង ទ្រព្យសម្បត្តិដែលនេះជាគ្រោះមហន្តរាយដោយធម្មជាតិ គ្មាននរណាម្នាក់ចង់ជួបប្រទះឡើយ។ លោកបន្តថា ថ្វីត្បិតតែអំណោយមនុស្សធម៌ដែលបាននាំយកមកចែកជូនបងប្អូននាពេលនេះ មានចំនួនមិនសមល្មម តែក៏អាចជួយសម្រាលទុក្ខលំបាករបស់បងប្អូនបានមួយកម្រិត ហើយក៏ជាការបង្ហាញនូវការយកចិត្តទុកដាក់ចំពោះប្រជាពលរដ្ឋគ្រប់រូបពីសំណាក់ថ្នាក់ដឹកនាំ ពិសេសគឺកាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ដូចដែលបានលើកឡើងថា “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល” និង “ទីណាមានទុក្ខលំបាក ទីនោះមានកាកបាទក្រហមកម្ពុជា”។ លោកបន្តថា នេះជាដើមរដូវវស្សាហើយ សូមបងប្អូនមេត្តាប្រុងប្រយ័ត្នចំពោះផ្គូរ រន្ទះនិងខ្យល់កន្រ្តាក់ និងសុខភាពផ្ទាល់ខ្លូន ក៏ដូចជាកូនចៅផង បើឃើញសភាពមិនស្រួលត្រូវប្រញាប់ទៅមន្ទីរពេទ្យ ឬមណ្ឌលសុខភាពដែលនៅជិតផ្ទះចំពោះការបើកបរសូមឱ្យមានកាប្រុងប្រយ័ត្នត្រូវពាក់មួកសុវត្តិភាពរាល់ការបើកបរ។

អំណោយមនុស្សធម៌ដែលបានផ្ដល់ជូនប្រជាពលរដ្ឋ គ្រួសារទទួលបាន មុង ភួយសារុង ក្រមា កន្ទេលស័ង្កសី និងថវិកា និងគ្រឿងឧបភោគ បរិភោគ ជាច្រើនព្រមទាំងថវិកា លោក ចៅ ម៉ៅមុន្នី  ផ្ទាល់ចំនួន៦០ម៉ឺនរៀល និងសម្ភារៈមួយចំនួនទៀត ៕ ដោយ ៖ ឈិត សាវី