នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ ( Benjamin Netanyahu) បានរិះគន់ ប្រធានាធិបតីកូឡុំប៊ី លោក Gustavo Petro បន្ទាប់ពីមេដឹកនាំអាមេរិកខាងត្បូងរូបនេះ បានអំពាវនាវឲ្យចាប់ខ្លួនគាត់(ណេតាន់យ៉ាហ៊ូ)ជុំវិញសង្គ្រាមនៅតំបន់ហ្កាហ្សា។

លោក ណេតាន់យ៉ាហ៊ូ បានសរសេរនៅក្នុងការបង្ហោះនៅលើបណ្តាញសង្គម X កាលពីថ្ងៃសៅរ៍ថា៖«អ៊ីស្រាអែល នឹងមិនត្រូវបានបង្រៀនដោយកក្រុមអ្នកគាំទ្រក្រុមហាម៉ាសទេ។

កាលពីដើមខែនេះ លោក Petro បាននិយាយថា ប្រទេសកូឡុំប៊ី នឹងកាត់ផ្តាច់ទំនាក់ទំនងការទូតជាមួយអ៊ីស្រាអែល ដោយសារមាន «ប្រធានាធិបតីប្រល័យពូជសាសន៍»។ កាលពីថ្ងៃសុក្រ លោកបានសរសេរថា៖«លោក ណេតាន់យ៉ាហ៊ូ នឹងមិនបញ្ឈប់អំពើប្រល័យពូជសាសន៍ ដែលនិយាយសំដៅដីកាចាប់ខ្លួនរបស់ តុលាការឧក្រិដ្ឋកម្មអន្តរជាតិ»។

ទំនាក់ទំនងរបស់អ៊ីស្រាអែល បានធ្លាក់ចុះជាមួយរដ្ឋាភិបាលនៅទូទាំងអាមេរិកឡាទីន ក្នុងរយៈពេលប៉ុន្មានខែថ្មីៗនេះ ខណៈដែលចំនួនអ្នកស្លាប់ បានកើនឡើងនៅក្នុងយុទ្ធនាការរបស់ខ្លួននៅតំបន់ហ្កាហ្សា។