អាហ្វហ្គានីស្ថាន៖ ការប្រយុទ្ធគ្នាយ៉ាងសាហាវកំពុងកើតឡើង នៅក្នុងទីក្រុងធំមួយរបស់អាហ្វហ្គានីស្ថាន ស្របពេលមានក្ដីបារម្ភថា វាអាចជារដ្ឋធានីរបស់ខេត្តដំបូងដែលបានធ្លាក់ចូលក្នុងដៃក្រុមតាលីបង់។ ទីក្រុង Lashkar Gah ក្នុងខេត្ត Helmand ភាគខាងត្បូងស្ថិតនៅក្រោមការវាយលុកយ៉ាងខ្លាំងពីពួកសកម្មប្រយុទ្ធ បើទោះបីជាមានការវាយប្រហារតាមអាកាសរបស់អាមេរិក និងអាហ្វហ្គានីស្ថានក៏ដោយ។
គេនិយាយថា ពួកតាលីបង់បានរឹបអូសស្ថានីយទូរទស្សន៍មួយ។ មនុស្សរាប់ពាន់នាក់ដែលភៀសខ្លួនចេញពីតំបន់ជនបទបានជ្រកកោននៅក្នុងអគារផ្សេងៗ។ វេជ្ជបណ្ឌិតម្នាក់បានប្រាប់ទូរទស្សន៍ BBC ពីមន្ទីរពេទ្យដែលលោកធ្វើការថា មានការវាយប្រយុទ្ធគ្នាគ្រប់កន្លែង។ កងកម្លាំងអាហ្វហ្កានីស្ថានរាប់រយនាក់ ត្រូវបានបញ្ជូនទៅប្រយុទ្ធជាមួយក្រុមសកម្មប្រយុទ្ធ។ ក្រុមតាលីបង់បានវាយសម្រុកទៅមុខយ៉ាងលឿន ក្នុងរយៈពេលប៉ុន្មានខែចុងក្រោយនេះ ខណៈដែលកងកម្លាំងអាមេរិកបានដកចេញ បន្ទាប់ពីប្រតិបត្តិការយោធាអស់រយៈពេល ២០ឆ្នាំនៅក្នុងប្រទេសនេះ។
ខេត្ត Helmand គឺជាចំណុចកណ្តាលនៃយុទ្ធនាការយោធាអាមេរិក និងអង់គ្លេស ហើយពួកតាលីបង់នឹងធ្វើឲ្យខាតបង់ផលប្រយោជន៍ សម្រាប់រដ្ឋាភិបាលអាហ្វហ្គានីស្ថាន។ ប្រសិនបើទីក្រុង Lashkar Gah ធ្លាក់ចូលក្នុងដៃពួកតាលីបង់នោះ នឹងក្លាយជារដ្ឋធានីប្រចាំខេត្តដំបូងដែលក្រុមតាលីបង់វាយដណ្ដើមយកបានចាប់តាំងពីឆ្នាំ២០១៦។ ទីក្រុងនេះស្ថិតក្នុងចំណោមទីក្រុងជាច្រើនរបស់ខេត្តចំនួន៣ ដែលកំពុងរងការវាយប្រហារ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
