ភ្នំពេញ៖ ដោយអនុវត្តតាមការណែនាំរបស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ នឹងជួបប្រជុំ​ជា​មួយ​គណៈ​​អភិ​​បា​លរាជធានី មន្ទីរជំនាញពាក់ព័ន្ធ និងមន្ត្រី ដើម្បីចាត់វិធានការនានាក្នុងការទប់ស្កាត់ការរីករាលដាលដោយជំងឺ covid -19 និងមេរោគ​បម្លែង​ថ្មីប្រភេទdelta កំពុងរាលដាល ក្នុងសហគមន៍ផងនោះ។

ជាក់​ស្តែងនៅវេលាម៉ោង ៤រសៀល ថ្ងៃទី០៣ ខែសីហាឆ្នាំ២០២១ ទីតាំងផ្សារបឹងទំពុន ដែលស្ថិតនៅតាមបណ្ដោយផ្លូវលេខ២៧១ ត្រូវបានលោក ឈ្មោះ ឆួយ ភិរ័ត្ន ប្រធានគណៈកម្មការផ្សារបឹងទំពុន បន្តសហ​ការជាមួយក្រុមជំនាញកំចាត់សត្វល្អិត និង​មេរោ​គ​តាមអគារ បានបាញ់ថ្នាំសំលាប់មេរោគ ក្នុងផ្សារ និងជុំវិញបរិវេណផ្សារ ក្នុងការប្រយុទ្ធប្រឆាំង ទប់ស្កាត់ការរាតត្បាត ពីវីរុសកូវីដ-១៩ និងមេរោគបម្លែងថ្មីប្រភេទdelta។

កន្លងមកមន្ត្រីជំនាញ នៃមន្ទីរសុខាភិបាលរាជធានីភ្នំពេញ បានចុះធ្វើសកម្មភាពបាញ់ថ្នាំសម្លាប់មេរោគនៅ​តាមបណ្តា​ផ្សារ​ធំៗ​មួយ​ចំ​នួ​ន នៅ​ក្នុងរាជធានីភ្នំពេញ ដើម្បីសុខមា​លភាពបងប្អូនប្រជាពលរដ្ឋ ដូចជាអាជីវករលក់ដូរក្នុងផ្សារទាំងអស់ ខណៈដែលវីរុស​កូវីដ​-១៩ និង​​មេ​រោគ​បម្លែងថ្មីប្រភេទdelta បាននឹងកំពុងវាយលុកមិនថា នៅលើពិភពលោកនោះ នៅក្នុងប្រទេសកម្ពុជា ក៏មាន​ករណី​ឆ្លង​ជំងឺ​នេះដែរ៕ អត្ថបទ៖ កុម្ភះ