ភ្នំពេញ៖ នាព្រឹកថ្ងៃទី១៥ ខែឧសភា ឆ្នាំ២០២៤ ឯកឧត្តម ឈាង វុន ប្រធានគណៈកម្មការ​សេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា បានអញ្ជើញដឹកនាំប្រជុំ​ត្រៀមរៀបចំ​សិក្ខា​សាលា​ស្តីពី ការផ្សព្វផ្សាយកម្មវិធីកំណែទម្រង់​ការគ្រប់គ្រង​ហិរញ្ញវត្ថុ​សាធារណៈ​របស់​រាជរដ្ឋាភិបាល ជូនសមាជិក សមាជិការដ្ឋសភា និងព្រឹទ្ធសភា នាពេលខាងមុខ នៅវិមានរដ្ឋសភា​។

កិច្ចប្រជុំនេះ មានការអញ្ជើញចូលរួមពីឯកឧត្តម លោកជំទាវ សមាជិក សមាជិកា​គណៈកម្មការ​ទី២ រដ្ឋសភា ព្រឹទ្ធសភា តំណាងក្រសួងសេដ្ឋកិច្ច ហិរញ្ញវត្ថុ អាជ្ញាធរសវនកម្មជាតិ និង​មន្រ្តីជំនាញ​នៃអគ្គលេខាធិការដ្ឋានរដ្ឋសភា និងព្រឹទ្ធសភា។