កងទ័ពអ៊ីស្រាអែល បាននិយាយថា ខ្លួនបានសម្លាប់មេបញ្ជាការជាន់ខ្ពស់នៃកងជីវពលហេសបូឡា នៅក្នុងការវាយប្រហារតាមអាកាសមួយនៅប្រទេសលីបង់ភាគខាងត្បូង កាលពីល្ងាចថ្ងៃអង្គារ។

កងជីវពលគាំទ្រអ៊ីរ៉ង់ បានបញ្ជាក់ពីការស្លាប់របស់យុទ្ធជនម្នាក់ ក្នុងចំណោមយុទ្ធជនរបស់ខ្លួន ដោយមិនបានបង្ហាញឋានៈទេ។

យោងតាមយោធាអ៊ីស្រាអែលនៅព្រឹកថ្ងៃពុធនេះ បុរសនេះ ត្រូវបានគេនិយាយថា ជាអ្នកទទួលខុសត្រូវក្នុងការរៀបចំផែនការ និងធ្វើការវាយប្រហារជាច្រើនប្រឆាំងនឹងជនស៊ីវិលអ៊ីស្រាអែល និងទឹកដីអ៊ីស្រាអែល។

ទីភ្នាក់ងារសារព័ត៌មានរដ្ឋរបស់ប្រទេសលីបង់ NNA បានរាយការណ៍ថា រថយន្តមួយគ្រឿង ត្រូវរងការវាយប្រហារដោយយានដ្រូនរបស់អ៊ីស្រាអែល កាលពីល្ងាចថ្ងៃអង្គារ។ មនុស្សពីរនាក់ បានស្លាប់នៅក្នុងការវាយប្រហារនោះ។

ចាប់តាំងពីការចាប់ផ្តើមនៃសង្រ្គាមនៅតំបន់ហ្កាហ្សាស្ទ្រីប មានការប្រឈមមុខដាក់គ្នាផ្នែកយោធាជារៀងរាល់ថ្ងៃរវាងកងទ័ពអ៊ីស្រាអែល និងកងជីវពលហេសបូឡា និងក្រុមផ្សេងទៀតនៅក្នុងតំបន់ព្រំដែនរវាង     អ៊ីស្រាអែល និងលីបង់។ មានអ្នករងរបួស ទាំងសងខាង។

ការបាញ់ផ្លោងដាក់គ្នាទៅវិញទៅមក បានបណ្តាលឲ្យមានការបំផ្លិចបំផ្លាញយ៉ាងធ្ងន់ធ្ងរ នៅក្នុងភូមិនៅសងខាងព្រំដែន។ មនុស្សប្រហែល 1១៥.000នាក់ ត្រូវបានជម្លៀសចេញពី ឬចាកចេញពីតំបន់ប្រយុទ្ធគ្នានេះ។