ការរុលចូលទៅមុខដ៏សំខាន់របស់រុស្ស៊ី នៅក្នុងតំបន់ខាគីវភាគឦសាន បានបង្កើតបញ្ហាប្រឈមដ៏ធំបំផុតមួយចាប់តាំងពីការចាប់ផ្តើមនៃសង្រ្គាមសម្រាប់កងទ័ពអ៊ុយក្រែន ដែលត្រូវការគ្រាប់កាំភ្លើង និងខ្វះខាតខ្លាំង នៅពេលដែលពួកគេប្រយុទ្ធឆ្លងចូលខ្សែត្រៀមជួរមុខមានប្រវែង ៦០០ម៉ាយ។

ការលុកលុយដ៏គួរឲ្យភ្ញាក់ផ្អើលរបស់ទីក្រុងមូស្គូទៅលើតំបន់ខាគីវពីខេត្ត Belgorod របស់រុស្ស៊ីកាលពីថ្ងៃសុក្រសប្តាហ៍មុន កំពុងជំរុញឲ្យកងកម្លាំងអ៊ុយក្រែន ដែលកំពុងតស៊ូរួចហើយ ដើម្បីទប់ទល់នឹងការវាយប្រហាររបស់រុស្ស៊ីនៅភាគខាងកើតអ៊ុយក្រែន ជាពិសេសនៅតំបន់ដូណិតស្ក៍ (Donetsk) ដែលវិមានក្រឹមឡាំង ចង់បានជាយូរមកហើយនោះ។

ខណៈពេលដែលរុស្ស៊ី ហាក់ដូចជាមិនមានកងកម្លាំង ដើម្បីដណ្តើមយកមូលដ្ឋានសំខាន់នៅក្នុងតំបន់ខា  គីវ កងទ័ពរបស់ខ្លួន បានរុលទៅមុខដោយងាយស្រួល និងបានបង្ខំអ៊ុយក្រែនឲ្យដាក់ពង្រាយអង្គភាពបម្រុងដែលអាចបង្កគ្រោះថ្នាក់ដល់ទីតាំងអ៊ុយក្រែន នៅកន្លែងផ្សេងទៀត នៅជួរមុខ។

លោក Branislav Slantchev សាស្ត្រាចារ្យផ្នែកវិទ្យាសាស្ត្រនយោបាយ ដែលសិក្សាសង្គ្រាមនៅសកលវិទ្យាល័យ California-San Diego បាននិយាយថា រុស្សីកំពុងព្យាយាមដណ្តើមយកទឹកដី ដោយទាញយកអត្ថប្រយោជន៍ក្នុងរយៈពេលខ្លី មុនពេលសព្វាវុធរបស់អាមេរិកមកដល់ទាំងស្រុងពីការបន្ថែមជំនួយ    សន្តិសុខជាតិចំនួន ៦១ពាន់លានដុល្លារ កាលពីខែមុន។