ផ្លូវជាច្រើនខ្សែនៅក្នុងរដ្ឋ Indianapolis ត្រូវបានជន់លិច នាព្រឹកថ្ងៃពុធ (ទី១៥ ខែឧសភា) នេះ ខណៈដែលភ្លៀងបានបន្តធ្លាក់ឥតឈប់ នៅតំបន់ភាគកណ្តាលរបស់សហរដ្ឋអាមេរិក។

យោងតាមអ្នកឧតុនិយមក្នុងតំបន់ បានឲ្យដឹងថា ភ្លៀងបាន និងកំពុងធ្លាក់នៅតំបន់នេះ ក្នុងរយៈពេល ២៤ម៉ោងកន្លងមកនេះ ដែលបណ្តាលឲ្យមានកម្រិតទឹកភ្លៀងធ្លាក់ជាង ៥សង់ទីម៉ែត្រ។ ជំនន់ទឹកភ្លៀងបានធ្វើឲ្យចរាចរណ៍មានសភាពយឺត ប៉ុន្តែមិនមានអ្នករងរបួស ឬឧបទ្ទវហេតុធំណាមួយ ត្រូវបានគេរាយការណ៍នោះទេ។

ប្រព័ន្ធផ្សព្វផ្សាយក្នុងស្រុក បានរាយការណ៍ថា ការណែនាំអំពីទឹកជំនន់ ត្រូវបានដាក់ចេញ សម្រាប់តំបន់ភាគច្រើននៃរដ្ឋ Indianapolis។ អ្នកព្យាករបានប៉ាន់ប្រមាណថា ភ្លៀងនឹងបន្តធ្លាក់រហូតដល់យប់ថ្ងៃពុធនេះ៕