មន្ទីរទេសចរណ៍ខេត្តឧត្តរមានជ័យបានបើកកិច្ចប្រជុំបូកសរុបលទ្ធផល និងឆ្លុះបញ្ចាំងពីការអនុវត្តគម្រោងជាមួយសហគ្រាសអាជីវកម្មភាគីពាក់ព័ន្ធនានា និងផ្សព្វផ្សាយកម្មពិធីបណ្តុះបណ្តាល បដិសណ្ឋារកិច្ចកម្ពុជា ហៅថា (ហូ កា )របស់ខេត្តឧត្តរមានជ័យ ។

កិច្ចប្រជុំនេះ មានសិក្ខាកម្មមកពីតាមបណ្តាលសហគ្រាស អាជីវកម្ម នានាចូលរួមជាច្រើននាក់ដើម្បី ពង្រឹងសមត្ថិភាពបន្ថែមដល់បងប្អូនមានអាជីវកម្មស្រាប់នៅសាលប្រជុំ កាកបាទក្រហមកម្ពុជាខេត្ត នាព្រឹកថ្ងៃទី១៦ឧសភា ឆ្នាំ២០២៤នេះ។

លោក ឃិន ញ៉ាណ អភិបាលរងខេត្តស្តីទីតំណាង​ឯកឧត្តមអភិបាលខេត្តឧត្តរមានជ័យ បានធ្វើការកោសរសើរដល់គម្រោងហូកា ដែលបានផ្តល់ជំនាញ​បង្រៀនបន្ថែមដល់ពលរដ្ឋ​ដែល​ជាសហគ្រាសអាជីវកម្មក្នុងខេត្តដោយឥតគិតថ្លៃ លើវិស័យបដិសណ្ឋារកិច្ចកម្ពុជា ធ្វើឲ្យពួកគាត់ដែលជាសិក្ខាកាម កាន់តែមានការយល់ដឹងបន្ថែមទៀត លើមុខរបរសហគ្រាសអាជីវកម្មរបស់ពួកគាត់ ដើម្បីទទួលបាននូវជំនាញបច្ចេកទេសថ្មីៗ ចំពោះការគ្រប់គ្រងអាជីវកម្ម។

លោកអភិបាលរងខេត្តស្តីទី បានបន្តថា គម្រោងហូ កា នេះគឺជាចំណែក​មួយឆ្លើយតបទៅ​និង​គោលដៅក្រសួងទេសចរណ៍​ ក៏​ដូចជារដ្ឋាភិបាលគឺ "មនុស្សម្នាក់ ជំនាញមួយ"និងបានជំរុញការ​កសាង​យុវជនដែលមានជំនាញឲ្យបាន​ដល់ ១.៥លាននាក់​ដែលជាគោលបំណង​បណ្តុះបណ្តាល​របស់រាជរដ្ឋាភិបាល ដល់យុវជនមកពី​គ្រួសារ​ក្រីក្រ​ពុំមានជំនាញអ្វីសោះអាច​មានជំនាញ ដើម្បីរកប្រាក់ចំណូលសម្រាប់ចិញ្ចឹមជីវិតក្នុងក្រុមគ្រួសារ និងអាចធ្វើជាម្ចាស់អាជីវកម្មធនតូច​បានពីការសិក្សាបណ្តុះបណ្តាលនូវជំនាញទាំងអស់នេះផងដែរ៕