មន្ទីរពេទ្យឯកទេស Kuwaiti គឺជាមន្ទីរពេទ្យមួយក្នុងចំណោមមន្ទីពេទ្យ២ទៅ៣កន្លែងចុងក្រោយ នៅ ក្នុងទីក្រុង Rafah ដែលអាចព្យាបាលអ្នករងរបួស។ ប៉ុន្តែក្រុមគ្រូពេទ្យ ដែលទទួលបន្ទុកលើសលប់ បានព្រមានថា ការវាយលុកបស់អ៊ីស្រាអែលបន្ថែមទៀតចូលទៅក្នុងតំបន់ហ្កាហ្សា ភាគខាងត្បូង អាចបញ្ជូនលំហូរអ្នកជម្ងឺថ្មីៗចូលទៅកន្លែងរបស់ពួកគេ ហើយនឹងរុញច្រានឱ្យហួសពីការកំណត់ ខណៈ ឱសថ និងឧបករណ៍ពេទ្យ កំពុងខ្វះខាត។

គ្រូពេទ្យ និយាយថា តម្រូវការ សម្រាប់ក្រុមគ្រូពេទ្យដែលមានវត្តមាននៅក្នុងតំបន់នេះ គឺមានសារៈសំខាន់ខ្លាំង។ វាពិបាកក្នុងការទុកស្ថានភាពចោល លុះត្រាតែពួកគេមានគំរាមកំហែង ឬកំណត់គោលដៅនៅមន្ទីរពេទ្យ បើមិនដូច្នេះទេ យើងនឹងនៅបន្តសេវារបស់យើងនៅទីនេះ។ យើងនៅទីនេះ ចាប់តាំងពីការចាប់ផ្តើមសង្គ្រាមរហូតមកដល់ពេលនេះ ហើយសង្ឃឹមថា អ៊ីស្រាអែលនឹងមិនដាក់គោលដៅមកលើយើងទេ ពួកគេមិនគំរាមកំហែងយើងទេ ហើយក្រុមគ្រូពេទ្យទាំងអស់នឹងបន្តផ្តល់សេវារបស់ខ្លួនដល់អ្នករងរបួស អ្នកជំងឺធ្ងន់ និងដល់អ្នកដែលមានជំងឺរ៉ាំរ៉ៃ ទោះបីវាមានភាពស្មុគស្មាញដោយសារកង្វះថ្នាំពេទ្យ ដែលចាំបាច់ប្រើក៏ដោយ។

កាកបាទក្រហមអន្តរជាតិ បានបង្កើតមន្ទីរពេទ្យចល័តដើម្បីព្យាយាមបំពេញនូវអ្វីដែលខ្លួនបានចាត់ទុកថាជាតម្រូវការ «ដ៏លើសលប់» សម្រាប់សេវាសុខភាព ចាប់តាំងពីប្រតិបត្តិការយោធារបស់អ៊ីស្រាអែល នៅទីក្រុង Rafah ចាប់ផ្តើមកាលពីសប្តាហ៍មុន។ ប្រព័ន្ធវេជ្ជសាស្ត្រនៅតំបន់ហ្កាហ្សា ស្ទើរតែដួលរលំនៅក្រោមការទម្លាក់គ្រាប់បែករបស់អ៊ីស្រាអែល ហើយអ្នកស្លាប់និងរងរបួស ជាច្រើនត្រូវបានគេបារម្ភ ប្រសិនបើមានការវាយលុករបស់អ៊ីស្រាអែលពេញលេញ ដើម្បីកម្ចាត់ក្រុមហាម៉ាស។

ការបិទច្រកឆ្លងកាត់ទីក្រុង Rafah រវាងភាគខាងត្បូងតំបន់ហ្កាហ្សា និងប្រទេសអេហ្ស៊ីប បានធ្វើឲ្យជាប់គាំងអ្នកជំងឺ ដែលកំពុងស្វែងរកការព្យាបាលនៅបរទេស។ វាក៏បានធ្វើឱ្យរារាំងស្ទះដល់ការដឹកជញ្ចូនជំនួយ រួមទាំងការផ្គត់ផ្គង់ផ្នែកវេជ្ជសាស្រ្ត កាន់តែពិបាក។