លោក វ៉ូឡូមៀ ហ្សេឡិនស្គី (Volodymyr Zelensky) បាននិយាយថា អ៊ុយក្រែនចង់ធ្វើការជាមួយប្រទេសដូចជាប្រទេសចិន ដែលមាន «ឥទ្ធិពលលើប្រទេសរុស្ស៊ី» នៅពេលដែលប្រទេសរបស់ខ្លួន ប្រឈមមុខនឹងការវាយលុករបស់ទីក្រុងមូស្គូជាថ្មី ដោយជំរុញឲ្យទីក្រុងប៉េកាំង ចូលរួមកិច្ចចរចាសន្តិភាពនៅខែក្រោយនេះ។

លោកប្រធានាធិបតី បានបញ្ជាក់ថា មេដឹកនាំចិនលោក ស៊ី ជីនពីង (Xi Jinping) បានធានាចំពោះខ្លួន នៅក្នុងការសន្ទនាតាមទូរស័ព្ទថា ទីក្រុងប៉េកាំងគាំទ្របូរណភាពទឹកដីរបស់អ៊ុយក្រែន ទោះបីជាលោកមិនបាននិយាយថា នៅពេលណាការផ្លាស់ប្តូរ បានកើតឡើងក៏ដោយ។

លោកបានថ្លែងនៅក្នុងបទសម្ភាសន៍ជាមួយទីភ្នាក់ងារសារព័ត៌មាន AFP ដែលផ្សាយកាលពីថ្ងៃសុក្រ ភ្លាមៗបន្ទាប់ពីដំណើរទស្សនកិច្ចរយៈពេលពីរថ្ងៃរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ទៅកាន់ប្រទេសចិន អំឡុងពេលដែលប្រទេសទាំងពីរ បានសន្យាកិច្ចសហប្រតិបត្តិការយុទ្ធសាស្ត្រកាន់តែស៊ីជម្រៅ។

ទីក្រុងប៉េកាំង មិនដែលថ្កោលទោសការឈ្លានពានរបស់រុស្ស៊ី នៅខែកុម្ភៈឆ្នាំ ២០២២ ទេ ផ្ទុយទៅវិញការទាមទារអព្យាក្រឹតភាពក្នុងជម្លោះ ដោយបានបញ្ចេញនូវជំហរមិនច្បាស់លាស់ចំនួន ១២ចំណុចលើសេចក្តីសម្រេចរបស់ខ្លួន។ មុនកិច្ចចរចាសន្តិភាពដែលគេរំពឹងទុកក្នុងប្រទេសស្វ៊ីស នៅខែក្រោយ លោក ស៊ី បានអំពាវនាវឲ្យមានការចរចាដែលយកគោលជំហររបស់ភាគីទាំងពីរ មកពិចារណា។