ការបែកបាក់រដ្ឋាភិបាលអ៊ីស្រាអែលជុំវិញសង្រ្គាមនៅតំបន់ហ្កាហ្សា បានផ្ទុះឡើងជាចំហ ក្នុងសប្តាហ៍នេះ បន្ទាប់ពីរដ្ឋមន្ត្រីការពារជាតិ បានទាមទារយុទ្ធសាស្ត្រច្បាស់លាស់ពីលោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) នៅពេលដែលកងទ័ពត្រឡប់ទៅប្រយុទ្ធជាមួយក្រុមយុទ្ធជនហាម៉ាស នៅក្នុងតំបន់ដែលកងទ័ព កំពុងប្រយុទ្ធ កាលពីខែមុន។

ការអត្ថាធិប្បាយរបស់រដ្ឋមន្ត្រីក្រសួងការពារជាតិ លោក Yoav Gallant ដែលបាននិយាយថា លោកនឹងមិនយល់ព្រមក្នុងការបង្កើតរដ្ឋាភិបាលយោធា នៅដែនដីនោះទេ ឆ្លុះបញ្ចាំងពីភាពមិនសុខចិត្តកាន់តែខ្លាំងឡើងនៅក្នុងស្ថាប័នសន្តិសុខ ដោយខ្វះការណែនាំពីលោក ណេតាន់យ៉ាហ៊ូ ចំពោះអ្នកដែលនឹងត្រូវចាកចេញទៅគ្រប់គ្រងតំបន់ហ្កាហ្សា នៅពេលការប្រយុទ្ធ ត្រូវបញ្ចប់។

ពួកគេ ក៏បាននាំមកនូវការបែកបាក់គ្នាយ៉ាងខ្លាំងរវាងអតីតឧត្តមសេនីយ៍កងទ័ពកណ្តាលនិយមទាំងពីរ នៅក្នុងគណៈរដ្ឋមន្ត្រី លោក Benny Gantz និងលោក Gadi Eisenkot ដែលទាំងពីរ បានគាំទ្រការអំពាវនាវរបស់លោក Gallant និងគណបក្សប្រកាន់ជាតិនិយមស្តាំដ៏រឹងមាំដែលដឹកនាំដោយរដ្ឋមន្ត្រីហិរញ្ញវត្ថុ លោក Bezalel Smotrich និងរដ្ឋមន្ត្រីសន្តិសុខផ្ទៃក្នុង លោក Itamar Ben- Gvir ដែលបានថ្កោលទោសការអត្ថាធិប្បាយនោះ។

សារព័ត៌មានអ៊ីស្រាអ៊ែល Today ស្តាំនិយម បានដាក់ចំណងជើងការបោះពុម្ពផ្សាយកាលពីថ្ងៃព្រហស្បតិ៍របស់ខ្លួនលើរូបថតរបស់លោក ណេតាន់យ៉ាហ៊ូ និង លោក Gallant ដែលកំពុងប្រឈមមុខដាក់គ្នាថា៖«នោះមិនមែនជាវិធី ដើម្បីគ្រប់គ្រងសង្រ្គាមទេ»។