ទីប្រឹក្សាសន្តិសុខជាតិរបស់លោកប្រធានាធិបតីអាមេរិក ចូ បៃដិន (Joe Biden) បានជំរុញឲ្យនាយករដ្ឋ   មន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ ) Benjamin Netanyahu) ភ្ជាប់សង្គ្រាមនៅតំបន់ហ្កា ហ្សាទៅនឹង«យុទ្ធសាស្ត្រនយោបាយ» សម្រាប់អនាគតរបស់ទឹកដីនេះ។

លោក Jake Sullivan បានជួបលោក ណេតាន់យ៉ាហ៊ូ នៅក្នុងប្រទេសអ៊ីស្រាអែល បន្ទាប់ពីបានជួបពិភាក្សាគ្នានៅប្រទេសអារ៉ាប៊ីសាអ៊ូឌីត កាលពីថ្ងៃសៅរ៍។

ការអន្តរាគមន៍របស់លោក កើតឡើងមួយថ្ងៃបន្ទាប់ពីរដ្ឋមន្ត្រីនៃគណៈរដ្ឋមន្ត្រីសង្រ្គាមលោក Benny Gantz បានគំរាមលាលែងពីតំណែង ប្រសិនបើលោក ណេតាន់យ៉ាហ៊ូ មិនបង្កើតផែនការក្រោយសង្គ្រាមសម្រាប់តំបន់ហ្កាហ្សា។

រហូតមកទល់ពេលនេះ លោក ណេតាន់យ៉ាហ៊ូ មិនបានបង្ហាញពីចក្ខុវិស័យសម្រាប់អ្វីដែលកើតឡើងក្រោយសង្គ្រាមនោះទេ ដោយគ្រាន់តែនិយាយថា លោកផ្តោតទៅលើ «ជ័យជម្នះទាំងស្រុង» តែប៉ុណ្ណោះ។

ទោះបីជាយ៉ាងណាក៏ដោយ មានការភាពមិនចុះសម្រុងគ្នាផ្នែកនយោបាយកាន់តែខ្លាំងឡើង នៅក្នុងប្រទេសអ៊ីស្រាអែលជុំវិញបញ្ហានេះ ដោយលោក Gantz និងរដ្ឋមន្ត្រីការពារជាតិ លោក យ៉ូអាវ ហ្គាឡែនធ៍ (Yoav Gallant) បានបញ្ជាក់ថា អ៊ីស្រាអែល មិនគួររក្សាការគ្រប់គ្រងយោធា នៅក្នុងតំបន់ហ្កាហ្សា ខណៈដែលអ្នកផ្សេងទៀត រួមទាំងសមាជិកស្តាំនិយមនៃក្រុមចម្រុះរបស់លោក ណេតាន់យ៉ាហ៊ូ បាននិយាយថា ការបន្តការគ្រប់គ្រង គឺចាំបាច់ ដើម្បីកម្ចាត់ក្រុមហាម៉ាស។