កងកម្លាំងទ័ពអាកាសអ៊ុយក្រែន បាននិយាយនៅក្នុងសេចក្តីថ្លែងការណ៍មួយនៅថ្ងៃអង្គារនេះថា កងកម្លាំងអ៊ុយក្រែន បានបាញ់ទម្លាក់យានដ្រូនចំនួន ២៨គ្រឿងក្នុងចំណោម ២៩គ្រឿង ដែលប្រើប្រាស់ដោយកងកម្លាំងរុស្ស៊ី ក្នុងការវាយប្រហារនៅពេលយប់ លើតំបន់ចំនួន ៧។

សេចក្តីថ្លែងការណ៍របស់អភិបាលតំបន់ Oleh Syniehubov និងក្រសួងកិច្ចការផ្ទៃក្នុងរបស់អ៊ុយក្រែន នៅលើកម្មវិធីផ្ញើសារTelegram បានបញ្ជាក់ថា ការវាយប្រហារដោយយានដ្រូន បានធ្វើឲ្យខូចខាតដល់លំនៅឋានឯកជនចំនួន៤ខ្នង រថយន្តដឹកទំនិញ និងរថយន្តក្រុងចំនួន ២៥គ្រឿង នៅក្នុងទីក្រុងខាគីវ ដោយបានបង្កឲ្យនុស្ស ៥នាក់ រងរបួស។។

អភិបាលក្រុង បានបន្ថែមថា ការវាយប្រហារដោយមីស៊ីលនៅព្រឹកព្រលឹមបាន កំណត់គោលដៅលើហេដ្ឋារចនាសម្ព័ន្ធដឹកជញ្ជូន និងធ្វើឲ្យមនុស្សពីរនាក់ទៀត រងរបួស នៅក្នុងទីក្រុងនេះ។

យានដ្រូនពីរគ្រឿង ត្រូវបានបាញ់ទម្លាក់ នៅក្នុងតំបន់ Dnipropetrovsk បានបង្កការខូចខាតដល់អគារខាងក្រៅ ដោយមិនមានការរាយការណ៍ពីអភិបាលតំបន់នោះទេ។

យោធាអ៊ុយក្រែន បាននិយាយថា យានដ្រូនប្រភេទ Shahed ចំនួន ៣គ្រឿង ត្រូវបានបាញ់ទម្លាក់ពីលើតំបន់ Kherson ដោយ ១៤គ្រឿងទៀត ត្រូវបានបាញ់ទម្លាក់ពីលើតំបន់ Odesa។