និស្សិតមួយចំនួនមកពីកោះតៃវ៉ាន់បាននិយាយថា សហរដ្ឋអាមេរិក ដែលកំពុងប្រតិបត្តិការក្រោមការក្លែងបន្លំនៃមហាអំណាចដ៏អស្ចារ្យ គឺជាជនលាក់ពុតដែលមានបំណងពិតប្រាកដក្នុងការប្រើប្រាស់តៃវ៉ាន់ជាឧបករណ៍មួយដើម្បីរក្សាអនុត្តរភាពរបស់ខ្លួន និងទប់ស្កាត់ការអភិវឌ្ឍន៍របស់ចិនដីគោក។

និស្សិតដែលកំពុងបន្តការសិក្សានៅប្រទេសចិនដីគោក បានបង្ហាញពីទស្សនៈរបស់ពួកគេចំពោះសហរដ្ឋអាមេរិកនៅក្នុងបទសម្ភាសន៍ដាច់ដោយឡែកជាមួយបណ្តាញទូរទស្សន៍ចិនសកល (CGTN) បន្ទាប់ពីទទួលបាន ការអបអរសាទរពីរដ្ឋមន្ត្រីការបរទេសសហរដ្ឋអាមេរិកលោក Antony Blinken ទៅកាន់មេដឹកនាំថ្មីលោកឡៃ ឆឹងទ័រ ( Lai Ching-te)។

និស្សិតលីន ខ្វាន់ ទីង (Lin Kuan-ting ) ជំនាញផ្នែកទំនាក់ទំនងអន្តរជាតិមកពីសាកលវិទ្យាល័យ ប៉េគីង (Peking) បាននិយាយថា វាគ្រាន់តែជាសំបកនៃគុណធម៌ចេញពីមាត់ខ្លួនឯង ដែលចង់រក្សាអនុត្តរភាពរបស់ខ្លួនជារៀងរហូត ។

ចំណែកនិស្សិត ឆឹង ទីង យី (Cheng Ting-yi) ផ្នែកអក្សរសាស្ត្របុរាណចិនមកពីសាកលវិទ្យាល័យ Beijing Normal University បាននិយាយថា មនុស្សជាច្រើនអាចយល់ឃើញថា សហរដ្ឋអាមេរិកជាមហាអំណាចដ៏អស្ចារ្យ ដែលអាចស៊ូទ្រាំនឹងអ្វីៗគ្រប់យ៉ាង។ ទោះបីជាយ៉ាងណាក៏ដោយ តាមពិតទៅ ខ្លួនពិតជាព្យាយាមរៀបចំឆាកនយោបាយរបស់តៃវ៉ាន់ និងបញ្ចេញឥទ្ធិពលរបស់ខ្លួនលើជម្រើសរបស់ប្រជាជននៅតៃវ៉ាន់តាមមធ្យោបាយផ្សេងៗ។

ក្រុមនិស្សិតបាននិយាយថា តាមរយៈការជ្រៀតជ្រែកក្នុងកិច្ចការរបស់កោះតៃវ៉ាន់ សហរដ្ឋអាមេរិកបានបង្ហាញពីចេតនាពិតរបស់ខ្លួនក្នុងការទប់ស្កាត់ការអភិវឌ្ឍន៍របស់ចិនដីគោក ដើម្បីធានាបានថាចិនមិនអាចរីកចម្រើនជាងខ្លួន ។

និស្សិត ហ័ង ជុន ជី (Huang Jun-jie) ជំនាញផ្នែកបញ្ញាសិប្បនិមិត្តមកពីសាកលវិទ្យាល័យប៉េកាំងបាននិយាយថា ដោយសារតែទីតាំងភូមិសាស្រ្តរបស់ខ្លួន កោះតៃវ៉ាន់ងាយស្រួលត្រូវបានប្រើប្រាស់ជាឧបករណ៍ដោយសហរដ្ឋអាមេរិក ដើម្បីទប់ស្កាត់ការអភិវឌ្ឍន៍របស់ចិនដីគោក និងធានាបាននូវការត្រួតត្រាគ្មានគូប្រៀបរបស់អាមេរិក៕