ទីប្រឹក្សាសន្តិសុខជាតិសេតវិមានលោក Jake Sullivan បាននិយាយកាលពីថ្ងៃពុធថា អ៊ីស្រាអែល បានធ្វើបច្ចុប្បន្នភាពលើផែនការចម្រាញ់របស់ខ្លួន ក្នុងការកាត់បន្ថយគ្រោះថ្នាក់ដល់ជនស៊ីវិល នៅទីក្រុងរ៉ាហ្វា នៅពេលដែលលោក បានទៅទស្សនកិច្ចតំបន់នេះ កាលពីចុងសប្តាហ៍មុន។

លោក Sullivan បានប្រាប់សន្និសីទព័ត៌មាន ដោយសំដៅទៅលើប្រតិបត្តិការរបស់អ៊ីស្រាអែល នៅទីក្រុងហ្កាហ្សាភាគខាងត្បូងថា៖ «ឥឡូវនេះ យើងបានមើលឃើញថា មានអ្វីកើតឡើងពីទីនេះ»។ «អ្វីដែលយើងនឹងពិនិត្យមើល គឺថាតើមានការស្លាប់ និងការបំផ្លិចបំផ្លាញច្រើនពីប្រតិបត្តិការនេះ ឬថាតើវាមានភាព ច្បាស់លាស់ និងត្រឹមត្រូវដែរឬទេ?»។

លោក បាននិយាយថា ប្រតិបត្តិការរបស់អ៊ីស្រាអែលរហូតមកដល់ពេលនេះ នៅក្នុងតំបន់នេះ ត្រូវបានកំណត់គោលដៅ និងមានកម្រិត។

លោកក៏បានបញ្ជាក់ផងដែរថា ជំនួយកំពុងហូរចេញពីផែនៅតំបន់ហ្កាហ្សា ទៅកាន់ប្រជាជនប៉ាឡេស្ទីននៅទីនោះ ហើយថា វាជារឿងខុសសម្រាប់អ៊ីស្រាអែល ក្នុងការដកជំនួយពីតំបន់វេសបែង។

អ៊ីស្រាអែល កំពុងសងសឹកក្រុមហាម៉ាសនៅតំបន់ហ្កាហ្សា ដែលជាតំបន់មួយមានប្រជាជន២,៣លាននាក់ ជុំវិញការវាយប្រហារដ៏ឃោរឃៅកាលពីថ្ងៃទី៧ តុលា ដោយក្រុមសកម្មប្រយុទ្ធប៉ាឡេស្ទីន។ ការផ្តល់ជំនួយទៅកាន់តំបន់ហ្កាហ្សាភាគខាងត្បូង ត្រូវបានរំខាន ចាប់តាំងពីអ៊ីស្រាអែល បានបង្កើនប្រតិបត្តិការយោធានៅទីក្រុងរ៉ាហ្វា ដែលជាទង្វើដែលអង្គការសហប្រជាជាតិនិយាយថា បានបង្ខំមនុស្ស ៩០០.000 នាក់ឲ្យ ភៀសខ្លួន និងបានបង្កើនភាពតានតឹងជាមួយប្រទេសអេហ្ស៊ីប។