យោធាអ៊ីស្រាអែល បាននិយាយនៅថ្ងៃសុក្រនេះថា ខ្លួនបានរកឃើញសាកសពចំណាប់ថ្នូរបីនាក់ ដែលត្រូវបានចាប់ខ្លួនចូលទៅក្នុងតំបន់ហ្កាហ្សាស្ទ្រីប បន្ទាប់ពីពួកគេ ត្រូវបានសម្លាប់អំឡុងការវាយប្រហារកាលពីថ្ងៃទី៧ ខែតុលា ដោយក្រុមសកម្មប្រយុទ្ធដឹកនាំដោយក្រុមហាម៉ាស។

យោធានោះ បានបញ្ជាក់ថា សាកសពរបស់ លោក Hanan Yablonka, លោក Michel Nisenbaum និង លោក Orion Hernandez Radoux ត្រូវបានរកឃើញនៅពេលយប់ នៅក្នុងប្រតិបត្តិការរួមគ្នារបស់កងទ័ព និងសេវាចារកម្មនៅក្នុងទីក្រុង Jabalia នៃតំបន់ហ្កាហ្សាភាគខាងជើង ជាទីដែលមានការប្រយុទ្ធគ្នាយ៉ាងខ្លាំងក្លា ក្នុងរយៈពេលប៉ុន្មានថ្ងៃថ្មីៗនេះ។

អ្នកនាំពាក្យយោធា លោកឧត្តមនាវីឯក Daniel Hagari បាននិយាយថា អ៊ីស្រាអែល បានប្តេជ្ញាចិត្តក្នុងការនាំយកមកវិញនូវចំណាប់ថ្នូរដែលនៅសេសសល់ ត្រូវបានឃុំខ្លួននៅក្នុងតំបន់ហ្កាហ្សា។

លោកបាននិយាយនៅក្នុងសេចក្តីថ្លែងការណ៍តាមទូរទស្សន៍ ដោយប្រកាសពីការរកឃើញសាកសពទាំងបីនោះថា៖«យើងនឹងមិនបញ្ឈប់ការប្រយុទ្ធ ដើម្បីសេរីភាពរបស់ពួកគេទេ» ។ «គ្រប់ប្រទេសទាំងអស់ នឹងសមតែធ្វើដូចគ្នា»។