ព្រៃវែង ៖គណកម្មការរៀបចំការបោះឆ្នោតខេត្តព្រៃវែង បានឱ្យដឹងថា ដំណើរការនៃការបោះឆ្នោត ជ្រើសរើសក្រុមប្រឹក្សាខេត្ត ក្រុង ស្រុក ខណ្ឌ អាណត្តិទី៤ ឆ្នាំ២០២៤ ក្នុងខេត្តព្រៃវែង មកដល់ពេលនេះបញ្ចប់ទៅដោយរលូន ក្នុងបរិយាកាសល្អ សុវត្ថិភាព បានប្រព្រឹត្តទៅដោយរលូន មិនមានអ្វីជាភាពរាំងស្ទះដល់ដំណើរការបោះឆ្នោតឡើយ ខណៈអ្នកមកបោះឆ្នោតដែលជាសមាជិកក្រុមប្រឹក្សា ឃុំ សង្កាត់ក្នុងមុខតំណែង ៩៩,៦៦% បានអញ្ជើញមកចូលរួមបោះឆ្នោត។

គណកម្មការរៀបចំការបោះឆ្នោតខេត្តព្រៃវែង បានឱ្យដឹងថា លទ្ធផលអ្នកបោះឆ្នោត ជ្រើសរើសក្រុមប្រឹក្សាខេត្ត ក្រុង ស្រុក ខណ្ឌ អាណត្តិទី៤ ឆ្នាំ២០២៤ បានមកបោះឆ្នោតក្នុងខេត្តព្រៃវែងទាំង ១៣ ការិយាល័យ សរុប ៨៨៩នាក់ ស្មើនឹង ស្មើនឹង ៩៩,៦៦ ភាគរយ នៃ ចំនួនអ្នកបោះឆ្នោតដែលជាសមាជិកក្រុមប្រឹក្សាឃុំ សង្កាត់មានឈ្មោះក្នុងបញ្ជីបោះឆ្នោតផ្លូវការ សរុប ៨៩២ នាក់។

គណកម្មការរៀបចំការបោះឆ្នោតខេត្តព្រៃវែង បញ្ជាក់ថា ចំពោះអ្នកបោះឆ្នោតដែលទទួលមរណភាព និងអ្នកបោះឆ្នោតដែលមានជំងឺធ្ងន់ខាងលើ សាច់ញាតិ និងប្រធានប្រតិបត្តិគណបក្សស្រុកពាក់ព័ន្ធ បានចេញលិខិតបញ្ជាក់ធានាអះអាងច្បាស់លាស់ត្រឹមត្រូវជូនមក មន្ត្រី គ.ក.ប/គ.ក.រ៕ ដោយ ៖ ដារ៉ា