ទីភ្នាក់ងារការពារជនស៊ីវិលបាននិយាយកាលពីថ្ងៃសៅរ៍ថា ចំនួនអ្នកស្លាប់ដោយសារខ្យល់ព្យុះ និងទឹកជំនន់នៅរដ្ឋ រីអូ ក្រែនដេ ដូស៊ុល (Rio Grande do Sul) ភាគខាងត្បូងក្នុងប្រទេសប្រេស៊ីល ចាប់តាំងពីថ្ងៃទី ២៩ ខែមេសា បានកើនឡើងដល់ ១៦៦ នាក់។  

យោងតាមទីភ្នាក់ងារនេះ មនុស្សជាង ៦៣៧,០០០នាក់ ត្រូវបានជម្លៀសចេញលំនៅឋាន ហើយមនុស្ស ៦១ នាក់នៅតែបាត់ខ្លួន ស្របពេលមនុស្សប្រហែល ២,៣ លាននាក់នៅក្នុងក្រុងចំនួន ៤៦៩ ត្រូវបានរងផលប៉ះពាល់។

ប្រភពខាងលើនេះបានបន្ថែមថា រដ្ឋបានខាតបង់រាប់លានដុល្លារក្នុងពាណិជ្ជកម្ម ឧស្សាហកម្ម និងកសិពាណិជ្ជកម្ម។

ភ្លៀងដែលបានស្រោចស្រព លើទីក្រុង រីអូ ក្រែនដេ ដូ ស៊ុល (Rio Grande do Sul) ចាប់តាំងពីថ្ងៃទី ២៩ ខែមេសាកន្លងមក បានបង្កការបំផ្លិចបំផ្លាញ និងការរំខានចរាចរណ៍នៅលើផ្លូវនានារបស់រដ្ឋនេះ។  

នៅទីក្រុង ព័រតូ អេឡេក្រេ (Porto Alegre) ស្ថានភាពបានប្រសើរឡើងកាលពីថ្ងៃចន្ទសប្ដាហ៍មុន ប៉ុន្តែភ្លៀងធ្លាក់ថ្មីៗ ចាប់ផ្តើមពីថ្ងៃព្រហស្បតិ៍ បានបណ្តាលឱ្យមានទឹកជំនន់ជាថ្មី៕