អ្នកប្រជាធិបតេយ្យហុងកុងចំនួន ១៤ នាក់ត្រូវបានរកឃើញថាមានកំហុស ហើយពីរនាក់ ត្រូវបានជម្រះក្ដីពីបទចូលរួមឃុបឃិតគ្នាប្រព្រឹត្តអំពើបំពានអំណាចច្បាប់ ក្នុងការកាត់ក្តីស្ដីពីសន្តិសុខជាតិដ៏សំខាន់មួយជុំវិញតួនាទីរបស់ពួកគេនៅក្នុងការបោះឆ្នោតបឋមក្រៅផ្លូវការកាលពីខែកក្កដាឆ្នាំ ២០២០។

គណៈកម្មការចៅក្រមសន្តិសុខជាតិដែលបានកំណត់ចំនួនបីរូប បានប្រកាសសាលក្រមរបស់ខ្លួនទៅកាន់អតីតសមាជិកសភា អតីតក្រុមប្រឹក្សាស្រុក និងអតីតអ្នកសារព័ត៌មាននៅតុលាការ West Kowloon នៅថ្ងៃព្រហស្បតិ៍សប្ដាហ៍នេះ។

លោក ឡរិន ឡាវ (Lawrence Lau) និង លោក លី យូ ស៊ុន (Lee Yue-shun) ត្រូវបានលើកលែងទោស ក្លាយជាមនុស្សពីរនាក់ដំបូង ដែលត្រូវបានកាត់ទោសក្រោមច្បាប់សន្តិសុខដែលដាក់ចេញដោយទីក្រុងប៉េកាំង ដើម្បីជម្រះការចោទប្រកាន់របស់ពួកគេ។ ពួកគេត្រូវបានអនុញ្ញាតឱ្យចាកចេញពីបន្ទប់តុលាការ ប៉ុន្តែត្រូវនៅក្រៅឃុំយ៉ាងហោចណាស់រហូតដល់តុលាការបន្តសវនាការនៅម៉ោង ២ និង ៣០ នាទីរសៀល។ អ្នកដែលត្រូវបានរកឃើញថាមានទោស ត្រូវបានចាប់ឃុំខ្លួនភ្លាមៗ។

ឯកសារតុលាការដែលមានកម្រាស់៣១៩ ទំព័រត្រូវបានបង្ហោះតាមអ៊ីនធឺណិត បន្ទាប់ពីសាលក្រមត្រូវបានប្រគល់ ដោយពន្យល់ពីហេតុផលរបស់ចៅក្រមសម្រាប់សេចក្តីសម្រេចរបស់ពួកគេ។

អ្នកទោសទាំងនោះប្រឈមការពិន័យជាបីកម្រិត អាស្រ័យលើស្ថានទម្ងង់ទោសក្នុងការចូលរួមក្នុងបទល្មើស។ការផ្ដន្ទាទោសអតិបរមា គឺជាប់ពន្ធនាគារអស់មួយជីវិត ខណៈទោសអប្បបរមាគឺ ជាប់ពន្ធនាគារមិនលើសពីបីឆ្នាំ ការឃុំខ្លួនរយៈពេលខ្លី ឬការដាក់កម្រិត៕