ចិន៖ ទីក្រុងអ៊ូហានបានបញ្ចប់ការធ្វើតេស្តទ្រង់ទ្រាយធំរកវីរុស COVID-19 លើពលរដ្ឋក្នុងស្រុក បន្ទាប់ពីករណីឆ្លងថ្មីក្នុងស្រុកត្រូវបានរាយការណ៍ នៅក្នុងទីក្រុងដែលជាចំណុចផ្ទុះវីរុសរាតត្បាតសកលដំបូង។
រដ្ឋាភិបាលក្នុងតំបន់បានបញ្ចប់ការធ្វើតេស្តលើមនុស្សចំនួន ១១,៣លាននាក់ដែលគ្របដណ្ដប់លើប្រជាជនទីក្រុងភាគច្រើន លើកលែងតែនិស្សិតមហាវិទ្យាល័យនៅពេលសម្រាករដូវក្តៅ និងកុមារអាយុក្រោម ៦ឆ្នាំ នេះបើយោងតាមសន្និសីទព័ត៌មានស្ដីពីការគ្រប់គ្រងវីរុស ដែលធ្វើឡើងដោយរដ្ឋាភិបាលទីក្រុងអ៊ូហានកាលពីថ្ងៃអាទិត្យ។ ក្រុមមន្ត្រីបាននិយាយថា ករណីវិជ្ជមានចំនួន ៩នាក់ត្រូវបានរកឃើញពីការធ្វើតេស្ត ហើយមនុស្សដែលមានផ្ទុកវីរុសនេះត្រូវបានបញ្ជូនទៅសម្រាកព្យាបាលនៅមន្ទីរពេទ្យ។
រដ្ឋាភិបាលទីក្រុងបានប្រកាសពីការធ្វើតេស្តទូទាំងទីក្រុងកាលពីថ្ងៃអង្គារ បន្ទាប់ពីមានករណីឆ្លងក្នុងស្រុកចំនួន ៣នាក់ត្រូវបានរាយការណ៍កាលពីថ្ងៃចន្ទ។ ទិន្នន័យចុងក្រោយពីរដ្ឋាភិបាលបានបង្ហាញថា ទីក្រុងអ៊ូហានបានបន្ថែម ៦ករណីឆ្លងទៀតកាលពីថ្ងៃទី៧ ខែសីហា៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
