លោក ចូ បៃដិន (Joe Biden) ត្រូវបានទុកឲ្យនៅឯកោ ជុំវិញការបដិសេធមិនអនុញ្ញាតឲ្យអាវុធអាមេរិកត្រូវបានបាញ់ចូលក្នុងប្រទេសរុស្ស៊ីដោយអ៊ុយក្រែន បន្ទាប់ពីបារាំង និងអាល្លឺម៉ង់ បានបន្ធូរបន្ថយច្បាប់របស់ខ្លួន។

ប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បាននិយាយថា អ៊ុយក្រែនមានសេរីភាពក្នុងការប្រើប្រាស់អាវុធដែលមានកម្លាំងខ្លាំងរបស់ខ្លួន ដែលរួមមានមីស៊ីលតម្រង់គោលដៅបាញ់ពីដីទៅលើអាកាស Storm Shadows របស់បារាំង ដើម្បីបាញ់ឆ្លងកាត់ព្រំដែន។

លោកបានធ្វើសេចក្តីប្រកាសជាមួយលោក អធិការបតីអាល្លឺម៉ង់ អូឡាហ្វ សូល (Olaf Scholz) ខណៈកំពុងកាន់ផែនទីបង្ហាញមូលដ្ឋានរុស្ស៊ី ដែលត្រូវបានប្រើដើម្បីវាយប្រហារអ៊ុយក្រែន នៅក្នុងការវាយលុក នាពេលថ្មីៗ។

លោក សូល មានការប្រុងប្រយ័ត្នជាងមុន ប៉ុន្តែបានយល់ស្របថា អ៊ុយក្រែនមានសិទ្ធិក្រោមច្បាប់អន្តរជាតិ ក្នុងការប្រើប្រាស់គ្រឿងយុទ្ធោបករណ៍របស់លោកខាងលិច ដើម្បីការពារខ្លួនពីការវាយប្រហារ ដែលបានចាប់ផ្តើមពីទឹកដីរបស់រុស្ស៊ី។

ការសម្រេចបែបនេះ បានធ្វើឲ្យសហរដ្ឋអាមេរិកឯកោ ខណៈដែលដៃគូលោកខាងលិចរួមទាំងចក្រភពអង់គ្លេស បានបន្ធូរបន្ថយច្បាប់របស់ពួកគេស្ទើរតែទាំងអស់។ សព្វាវុធរបស់អាមេរិក ត្រូវបានចាត់ទុកថា មានសារៈសំខាន់ក្នុងការបញ្ឈប់ការរុលចូលទៅមុខ ជាពិសេសនៅតាមព្រំដែនភាគខាងជើង ដែលកងទ័ព រុស្ស៊ី កំពុងប្រមូលផ្តុំសម្រាប់ការវាយប្រហារបន្ថែមទៀត នៅភាគខាងជើងនៃទីក្រុងទី២របស់អ៊ុយ ក្រែន គឺទីក្រុងខាគីវ (Kharkiv)។