រថក្រោះដែលផ្គត់ផ្គង់ដោយអាមេរិក មិនមានប្រយោជន៍គ្រប់គ្រាន់សម្រាប់ទាហានអ៊ុយក្រែន ស្របពេលមានសង្រ្គាមដែលពឹងផ្អែកកាន់តែខ្លាំងលើយានដ្រូន។

នៅខែមករា ឆ្នាំ ២០២៣ បន្ទាប់ពីមានការទទូចសុំយ៉ាងលំបាកជាច្រើនខែពីអ៊ុយក្រែន សហរដ្ឋអាមេរិកបានយល់ព្រមបញ្ជូនរថក្រោះ M1A1 Abrams ចំនួន ៣១គ្រឿងទៅបំពាក់កងវរសេនាតូចរថក្រោះ។

អ្នកជំនាញផ្នែកយោធាធ្លាប់បានប្រាប់សារព័ត៌មាន Business Insiderថា ករណីប្រើប្រាស់សម្រាប់ រថក្រោះ នឹងមានកម្រិត ដោយសារតែលក្ខខណ្ឌទឹកដី និងកង្វះនៃសង្គ្រាមរថក្រោះ ដែលជាជំនាញពិសេសរបស់រថក្រោះ Abrams ។

មន្ត្រីអាមេរិក បាននិយាយថា រយៈពេលជាងមួយឆ្នាំ បន្ទាប់ពីអាមេរិកបានបញ្ជូនរថក្រោះ យ៉ាងហោចណាស់រថពាសដែកចំនួន ៨គ្រឿង ត្រូវបានរាយការណ៍ថា បានបាត់បង់ ឬខូចខាត អ៊ុយក្រែនត្រូវតែដក រថក្រោះចេញពីខ្សែត្រៀមជួរមុខវិញ។

ប្រព័ន្ធផ្សព្វផ្សាយរដ្ឋអ៊ុយក្រែន បានជំទាស់នឹងរបាយការណ៍របស់សហរដ្ឋអាមេរិកដែលថា រថក្រោះ Abrams ត្រូវបានដកចេញទាំងស្រុង ប៉ុន្តែបាននិយាយថា ទាហានកំពុងប្រើប្រាស់ពួកវា ក្នុងករណីមានកំណត់។

សមាជិកម្នាក់នៃកងពលតូចយានយន្តលេខ៤៧ របស់អ៊ុយក្រែន ដែលត្រូវបានកំណត់អត្តសញ្ញាណថា Joker បានប្រាប់អ្នកឆ្លើយឆ្លងព័ត៌មានសន្តិសុខអន្តរជាតិរបស់ទូរទស្សន៍ CNN លោក Nick Paton Walsh ថា មានតែរថក្រោះនោះ គឺមិនគ្រប់គ្រាន់ ដើម្បីការពារទាហាន នៅពេលដែលរុស្ស៊ី ធ្វើការវាយប្រហារដោយដ្រូននោះ។