សហភាពអឺរ៉ុប ប្រឈមមុខនឹងទង្វើតុល្យភាពដ៏ទន់ភ្លន់មួយ ខណៈដែលខ្លួនរៀបចំ ដើម្បីដំឡើងពន្ធឡើងវិញលើរថយន្តអគ្គិសនី (EVs)របស់ចិន ដើម្បីការពារឧស្សាហកម្មអឺរ៉ុប ខណៈពេលដែលកំពុងដឹកនាំការវាយលុកតាមបែបអាមេរិកជាមួយទីក្រុងប៉េកាំង ដែលអាចបង្កឲ្យមានសង្គ្រាមពាណិជ្ជកម្ម។

វិស័យរថយន្តនៅអឺរ៉ុប គឺជាឧស្សាហកម្មដ៏សំខាន់មួយរបស់ខ្លួនដែលមានរថយន្តម៉ាកសញ្ញាល្បីៗ ចាប់ពី Mercedes ដល់ Ferrari ប៉ុន្តែវាប្រឈមមុខនឹងការគំរាមកំហែងដែលមានស្រាប់ចេញពីការបញ្ចប់     នៃម៉ាស៊ីនចំហេះ និងការចាប់ផ្តើមរបស់ប្រទេសចិន ក្នុងការប្តូរទៅជាម៉ាស៊ីនអគ្គិសនី។

នៅពេលដែលទីក្រុងប្រ៊ុចសែល បានចាប់ផ្តើមការស៊ើបអង្កេតកាលពីឆ្នាំមុនទៅលើការឧបត្ថម្ភធនរថយន្តអគ្គិសនីរបស់ចិន ក្រុមមន្ត្រីបាននិយាយថា ពួកគេចង់ដាក់ការរាំងខ្ទប់លើអ្វីដែលពួកគេអះអាងថា ជាការអនុវត្តមិនយុត្តិធម៌ដែលធ្វើឲ្យក្រុមហ៊ុនផលិតរថយន្តនៅអឺរ៉ុប ថយចុះ។

ទីក្រុងប៉េកាំង បានបញ្ចេញប្រតិកម្មដោយកំហឹងនៅពេលនោះ ដោយស្រែកថា នោះគឺជារបាំងពាណិជ្ជ   កម្ម។

សហភាពអឺរ៉ុបមានពេលរហូតដល់ថ្ងៃទី៤ ខែកក្កដា ដើម្បីបញ្ជាឲ្យដំឡើងពន្ធនាំចូលបណ្តោះអាសន្នលើ  រថយន្តអគ្គិសនី(EVs)របស់ចិន ដែលបច្ចុប្បន្ននៅកម្រិត ១០ភាគរយ ដោយមានការរំពឹងទុកថា វាអាចនឹងផ្លាស់ប្តូរពេលវេលាខ្លះ នៅក្នុងខែមិថុនា។