សភារបស់ប្រទេសម៉ុលដូវ៉ា កាលពីថ្ងៃព្រហស្បតិ៍ បានថ្កោលទោសការឈ្លានពានរបស់រុស្ស៊ីលើអ៊ុយ         ក្រែនថា ជា«អំពើប្រល័យពូជសាសន៍»ពាក់ព័ន្ធនឹងការប្រព្រឹត្តរបស់ទីក្រុងមូស្គូចំពោះកុមារ នៅក្នុងតំបន់ដែលគ្រប់គ្រងដោយរុស្ស៊ី ប៉ុន្តែគណបក្សប្រឆាំងដែលជាមិត្តរបស់ទីក្រុងមូស្គូនៅសភា បានបដិសេធមិនចូលរួម ក្នុងការបោះឆ្នោត។

សមាជិកសភាចំនួន ៦០រូប នៅក្នុងសភាដែលមាន ១០១ អាសនៈ បានគាំទ្រសេចក្តីប្រកាសនេះ ដោយបានចូលរួមសភាជាតិជាច្រើន ក្នុងការអនុម័តឯកសារស្រដៀងគ្នានេះ ហើយថែមទាំងយល់ព្រមបន្តផ្តល់ជំនួយដល់ប្រជាជនអ៊ុយក្រែនដែលរត់ភៀសខ្លួនពីជម្លោះនេះ។

ការឈ្លានពានដែលមានរយៈពេលជាងពីរឆ្នាំ ដែលត្រូវបានរិះគន់ដោយប្រធានាធិបតីគាំទ្រអ៊ឺរ៉ុប លោក ស្រី Maia Sandu បានធ្វើឲ្យប្រទេសដែលស្ថិតនៅចន្លោះអ៊ុយក្រែន និងម៉ុលដាវ៉ា រងការប៉ះពាល់ដោយ បំណែកយានដ្រូន និងមីស៊ីលជាច្រើនធ្លាក់លើទឹកដីរបស់ខ្លួន។

អនុប្រធានសភា លោក Doina Gherman បានចងក្រងឯកសារចំនួនកុមារស្លាប់ ឬបាត់ខ្លួនក្នុងជម្លោះ រួមជាមួយនឹងមនុស្សជិត ២០.000នាក់ ត្រូវបានបញ្ជូនទៅប្រទេសរុស្ស៊ី នេះបើយោងតាមតួលេខរបស់រដ្ឋាភិបាលអ៊ុយក្រែន។