លោក Es'haq Jahangiri ដែលជាអនុប្រធានាធិបតីអ៊ីរ៉ង់ ក្រោមការដឹកនាំរបស់អតីតប្រធានាធិបតី លោក Hassan Rouhani បានចុះឈ្មោះ ដើម្បីឈរឈ្មោះប្រកួតប្រជែងតំណែងប្រធានាធិបតី។

ឥស្សរជនគួរឲ្យកត់សម្គាល់ផ្សេងទៀតដែលបានចុះឈ្មោះ នៅថ្ងៃចន្ទ (ទី៣ ឃែមិថុនា) នេះ រួមមានអតីតសមាជិកសភាលោក Elias Naderan លោក Hassan Sobhani លោក Hassan Kamran Dastjerdi និងលោក Vahid Jalalzadeh ។

ដំណើរការចុះឈ្មោះបានចាប់ផ្តើម កាលថ្ងៃព្រហស្បតិ៍សប្ដាហ៍មុន ហើយនឹងបញ្ចប់នៅល្ងាចថ្ងៃចន្ទនេះ។ បន្ទាប់ពីដំណើរការចុះឈ្មោះ ក្រុមប្រឹក្សាអាណាព្យាបាល នឹងមានពេលវេលា ៧ថ្ងៃ ដើម្បីពិនិត្យមើលលក្ខណៈសម្បត្តិរបស់បេក្ខជនម្នាក់ៗ។ បន្ទាប់មក បេក្ខជនទាំងនោះដែលទទួលបានការអនុម័ត នឹងមានពេល ១៤ថ្ងៃ ដើម្បីធ្វើយុទ្ធនាការ មុនការបោះឆ្នោតប្រធានាធិបតី នៅថ្ងៃទី២៨ ខែមិថុនា។

នៅថ្ងៃបោះឆ្នោត ប្រជាជនអ៊ីរ៉ង់នឹងទៅបោះឆ្នោតទូទាំងប្រទេស ដើម្បីជ្រើសរើសអ្នកស្នងតំណែងពីអតីតប្រធានាធិបតីលោក Ebrahim Raisi ដែលរួមជាមួយសហជីវិនរបស់លោក បានបាត់បង់ជីវិតក្នុងគ្រោះថ្នាក់ធ្លាក់ឧទ្ធម្ភាគចក្រ កាលពីថ្ងៃទី១៨ ខែឧសភា៕